شنطة سْفر .. لـ محمد آلوسمّي !

اليوم أنا محتاج لك كثر احتياجي للصبر
..................... كثير احتياجي للفرح بعدك ولانفاسي معاه

نصمت مع تلك الحروف و نجهز انفسنا لرحله مع عذوبه الكلمات و نسكن داخل تلك المشاهد القادمه .
هكذا هو محمد الوسمي . او الفصل الخامس للشعر . يبعثر الحروف بمزاجيه و يخلق فضاءات جديده .
مهما تقول سوف تصيبك الدهشه امام هذا البيت :

شهر على غيبتك مر.. وغيبتك عيّت تمر
شهر.. و انا مدري انتمي للموت، والا للحياة

::
بيت كنه نقطه تحول في حياه عاشق. وهو لنا مثل السحب التي تروى الضمأ .
اليكم النص المدهش

- ( شنطه سفر ) !

.
.
.


اليوم أنا محتاج لك كثر احتياجي للصبر
......................... كثير احتياجي للفرح بعدك ولانفاسي معاه

كثر الوجع كثر الحزن كثر الألم كثر.. كثر
......................... احتاج لك واعرف: محد يحتاج فالعمر لشقاه

شهر على غيبتك مر.. وغيبتك عيّت تمر
......................... شهر.. و انا مدري انتمي للموت، والا للحياة

وحيد.. مدري وش ورى هالوحده لروحي قدر
......................... بعيد.. مدري للفرح هالبعد هذا وش وراه

أنساك في لحظة "غبا" واطيح من عين العمر
......................... واذكرك حلمٍ كل ما يقرب من التحقيق تاه

تعبت اشيلك في مطارات الزمن "شنطة سفر"
......................... واضيع في زحمة دروب البعد.. والقاك اتجاه

عطيتي النسيان فرصه ياخذك مني غدر
......................... ولا عطيتي عاشقك فرصه يودع بك غلاه

وجهك يمرّه في زحام البال بوجيه البشر
......................... وتقف عليك الذاكرة ويصيح: قلبك من خذاه؟

ما خلت رياح الغياب بقلب محبوبك شجر
......................... نسيانه يراوده عن حبك ولكن مانساه

ما كان مختارك زمن يمضي، ولا نزوه تمر
......................... اختارك العمر الذي كل ما كبر يكبر معاه

يدري رجوعك مستحيل، وصعب.. لكن ينتظر
......................... مثل انتظار المغترب للموطن اللي ما لقاه

اللي يحبك كان يبحث لك ورى بعدك عذر
......................... واليوم يبحث عن عذر للمقبل اللي فيك تاه

خلاك للدرب الطويل، ولليالي والقدر
.........................

كنتي بعينه دمعه الغالي .. وودعك .. وبكاه


ل/ بياض آروآحكم ..