قصة خطبة أحد شباب الديره في مكه !! للنقاش ..

هذه قصة واحد من شباب الديره .. يعمل في جده .. يحكي لي قصته :

يقول هذا الصديق : قبل سنة من الآن أشار علي واحد (مقرود) من زملائي في العمل .. وقال أيش رايك نخطب لك من حضران مكه .. بناتهم حلوين وأهل دين .. ومالك ومال (الخط المعلق)
يقول خوينا .. كلام زميلي دغدغ مشاعري .. وقلت له توكلنا على الله .

أخذت معي خمسة من الجماعة من المقيمين في جده .. ونعمد أبو البنت في مكة

والله ونلقى لك ذاك الشايب (أبو البنت) محزم راسه بعمامة صفراء .. ولابس (سديرية) سوداء وحاط له في الخنصر خاتم له فص أكبر من بعرة الجمل بشويه .

قام هذا الشايب قدم لنا العصير اللي فيه بالقليل ولو ثلاثين لون !!
طبعاً فتحت الهرجة معه .. وقال لي إسمع ياولدي : البنت لازم تشوفك وكمانه عندها أسئلة بتسألك هيّه .. وترى شرعاً لها النظرة !!

يقول بصراحة أخترعت .. وأحتقنت (أوداجي) >>الأوداج هي الزغود والمشكك يسأل (حكيم المنتدى)

المهم .. دخل الشايب داخل البيت وقال بأجهزها وأزهم عليك .
رفاقتي الخمسة اللي معي .. كل منهم يوصيني .. ذيه يقول غط كراعينك ترى لوشافتها البنت بتهون .
واللي يقول لي (تبنق) البناقة تي فوق سكرها .. واللي يقول مسس الثوب

خلاصة العلم .. خرعوني وأنا مخترع من قبل !

مالكم بطوال الكلام ..
يقول الرجال :

زهمني أبوها وأدخل على البنت بحضور أبوها .. سبحان الخالق .. تقول طبشورة أبيض x أبيض

يقول .. تذكرت الممثلات اللي يجون في التلفزيون .. أنا أشهد إن ما عندنا حريم .. أثر حريمنا فحول !! >> هذا كلامه أنا ماقلت شيء

البنت جميله مره .. ونحرها مثل الثلج .. عروقها باينه خضراء من وراء الجلد

وفي خدودها غمازات والشعر كأنه ذنب فرس . والأسنان صف لؤلؤ !
وما عندها كرش وهذي العيون الرايبة اللي تأخذ العقل . والإكسسوارات المتناسقة مع الفستان

ويستطرد صاحبي حديثه قائلاً :

ما جعل (صواميل) ركبي تتفكك أنه كل ما هممت برفع رأسي عضت شفايفها

قالت : ممكن لوسمحت ترفع رأسك عشان عندي كم سؤال بس تجاوبني بصراحة .

يقول هي بس قالت هذا الكلام إلا وصواميل الركب صارت تدور في الاتجاه المعاكس .. يالله الخيره ..

س1 : همه أهلك ساكنين فين؟

ج1: قلت في تنومه .. قالت دي فين؟ قلت هاذي وراء النماص ؟ قالت النماص دي فين ؟ قلت وراء حلباء .. قالت حلباء دي فين؟ قلت وراء الطائف !!

قالت : إيوه دحين أنا عرفت .. ماكان تقول من الأول .. ليه اللف والدوران ؟

س2: طيب إنته من بيت مين ؟

ج2: قلت أنا من بيت أبويه .. عفواً .. من بيت الشهري وأمي عمرية.

س3 : طيب إنته تعليمك إلى حد فين ؟

ج3: قلت أولى ثانوي وأطبع على الكمبيوتر !

س4: طيب إنته عسكري فين ؟

ج4: قلت أنا شغال في الحرس .

قالت آسفة .. آسفة .. أنا أبغى واحد عسكري يكون شغال في البحريه .. أي قطاع تاني ماأبغى ..

قال ابوها : روقي يا بنتي ..
قالت لأبوها .. إنت عارف يابابا السبب .. ليش أبغاه من البحريه .. أرجوك بابي لا تضغط عليه ؟

قامت البنت من عندنا .. وقال لي أبوها .. خلاص ياولدي مالك نصيب !

رجعت للمجلس .. لقيت الطقم اللي معي ما يلحسون كاسات العصير .. قلت يالله مشينا ..

يقول صديقي لي سنة تقريباً وأنا أفكر وأقول ليه البنت هذي تبغى واحد من البحرية ؟ لو قالت ما أبغى أتزوج عسكري كان قلنا يمكن معذورة خايفة تترمل ولا يطول غياب الزوج عن البيت بحكم عمله .. لكن كون البنت تطلب من أبوها وأمامي أن يكون من البحرية والأب يهز رأسه مقتنعاً .. هنا أكيد هناك سبب .

المهم أنا وضعت قصة هذا الصديق أمامكم .. ماذا تتوقعون السبب ؟ أو ما هو استنتاجكم؟ .. فلعلنا نجد الإجابة لديكم .. لنخبر ذلك الصديق به .

يخليكم ربي

عاااشق النماااص