رديـــــّــــة ... الخطـــــاف vs جبرني الوقــــــــت

بسم الله الرحمن الرحيم

جرى بيني وبين الشاعر والمشرف القدير على قسم الشعر الجنوبي / الخطاف .... رديـــّـــة

وحبيت اطرحها هنا في القسم وانشالله تنال إعجابكم ...

البدع من الخطاف /

الا ياجبرني الوقت لوكـان ليـت اتفيـد

ترجّع لي ايام مضت عبر الازمانـي

لَكِنّ الاماني بحرها فـي مـداه ابعيـد

ودونه هقاوي تحتدم داخـل اكيانـي

تكررلي الذكرى هموم ن قضت وتعيد

ولو ينتهي هم ن يجي همـي الثانـي

بنت وسط قلبي قصور و تشيّدت تشيّـد

وحطت لها في الصدر ساس وحدانـي

وان كل ماودعتها ترجع مـن اجديـد

وكني خلقت الها وخلقت عـلى شانـي

ولو شفتني يـوم سعيـد عليهـا عيـد

قضيت العمر أتجرع أنواع لأحزانـي

أجر الهناء بيد وأحـد المتاعـب بيـد

ودرب العناء يكتب لمن جاه ما جانـي

وأنا كل لحظة والهواجيس عندي تزيد

هجوس تسيل الدمع من فوق لأوجاني

عسى الله ييسرها وعسى الله يحل القيـد

ومن يطلب الله عاني ما رجع عانـي

الرد / جبرني الوقت
( محمد آل مريع )

الا يا هلا بك عدّ ما صادوا أهل الصيد

وعدد مافيّ الصحراء من الناس يدواني

هلا وانت لك في داخلي قدر بالتحديد

يزيد ويدوم وماهو لغيرك انساني

ويا جعل همّك عنك يبعد ورا ويبيــد

وتضحك بعد ما ضقت يا سيد خلاني

ولا تشكي إلــ من هو حزن لأجله التغريد

بعد كان نبرة للفرح فوق الاغصاني

تراني من احزاني بكاني الجبل والحيد

وانا صابر ومالصبر صبري قد اشناني

ترى الهم جيشٍ همّه السعد للتشريد

تسلط على قلبي وقام وتحدّاني

تصوبت من ضربه ولا ينفع التضميد

ولا فيه رحمة جرحي ادمى وخلاني

قهرني قهره اللّه وذقت العنا والكيد

ومن كاسة آلاآمه تمنّعت واسقاني

شكينا لبعض وبالنهاية فويش يفيد ؟؟؟!!

سوى صحّت لسانك وانا صحّت لساني

وسلامتكم