والبرق يضحك وغيم تبكي امزونه

امس العصر جالس(ن) ع السد وحداني
في جـلـــسة تشفي الظـــايق مـن اطعــونه

جالــــــس هنــا والمــــطر ديم وهـــــتاني
والــــــبرق يضـــــحك وغيم تبـــكي امزونه

لحـــظة فــرح والسـعاده تروي اشجاني
والفـــكر ســـــافر بقـــــلبي يم مـظنــونه

الشـمــــس غـابــت وكـن الــنور لي باني
وعـــطر(ن) اشــمه قليل الناس يشرونه

يارب هــــــذا طـــــلوع الشــــمـس مـن ثاني
وإلا القــمر جـــــا يشــوف الســــد وشـــلونه

فجـــــأة ومــن دون موعـد صـاحبي جاني
الـــــنور نوره وهذا الطـــــيب مضــمونه

جــــــاني حــــبيبي وعــــند الســــــد لاقاني
اقبــــــل من ابعــــيد يتــمـــشى عـلى هونه

يا مرحــــبا مــا ســـكن حبـــــك بوجداني
ويا مرحـــــبا مـا يغــني الطـــــير بلـــحونه

جلـــس وقال الجلكــسي ذا على شـــــــاني
قــــلـــت الجلكـــسي وأنا والــســــــد لعيونه

هـــــنا جلســــــنا وبدد نوره احــــــزاني
هــــنا رســــمنا الغــلا خـــل(ن) ومــــفتونه

يا زاير الســـــد خــذ بالكـــف رشـــفاني
الســـــــد حـــالى بوصــــف اللي يذوقونه

حــــالي حــــــلا ريقــــــــها خــلاه شهـداني
ومن يـــدهــــا يا عــــذابه يا صــــــفا لـــونه

خـــــــلي تجــــمل وجــــاني بالغـــــــلا عاني
يفــــداه كل الغــــــلا والنــــــاس يفـــــدونه

* بقلمي *