معذور يا غالي ولي فيك حزات ..

واحات يجري القلب فيها مسافات = يهوي على وجهه وساعات قايم
مسكين يمضي بين روحه وجيّات = ما حسبه غيره ولو كان هايم
له في دروب اللغير شان وعلامات = صوب اليمن ولاّ ترّفق وشايم
تاسره في بعضه تناهيد وآهات = يومه غدا بالبعد مجروح ظايم
شي(ن) بقا بالقلب منها وشي مات = وحده ورا وحده تزيد الركايم
ما بين لحظة حزن وأنغام ونات = يا شينها لحظه تشل العزايم
اوقات اقول الهم ما غير لحظات = لكن حرام إنه مع القلب دايم
من سبة اللي قال باي وسلامات = ولابد تعذرني ترا القلب عايم
وصاني انطر في وصوله وردات = قلبه لواه الحزن ما هو بنايم
معذور يا غالي ولي فيك حزات = ماني على ظرفك غشيمٍ ولايم
احسب كثير الوقت يوم(ن) وساعات = تبقى على ذكرك وتبقى نسايم