اعذر فواده يوم شالك عن الناس

ادري اني تأخرت عليكم فلو طاوعت نفسي نزلت كل يوم قصيده لكن ان شاء الله تعجبكم القصيده

تربة اليأس

لا تعــذر اللي جـــــن يبـغى وصالك

اعـــــذر فواده يوم شالــك عن الناس

تسرح وتمرح في صميـــــمه لحالك

كــنك علــى باب الشــــــرايين حراس

تـــوطــي مداهيله بطــاغــــي دلالك

عـــــاليه لك راس ٍ وواطــيه لك ساس

لا ما انحنى لسواك يوم انحنى لك

ارفـــق بقلب ٍ يطـــوي الباس عالباس

مادام قـــاعــــه يــوم توطي حلالك

مــا آريد غــير انك تواطيه غراس

وارجــوك خل الورد فــالي وفــالك

قم واغرس اجذوره على تربة الياس

تـــركتـــني للـــيل واللــيل حالك

بالــصدر هـــوجاس ٍ وبــالراس هوجاس

قـــد ون قـــلــبي ونته يوم شالك

ولا يــــلبي ونـــــتـــه غـــــير نسناس

فـكري معك بالحيل يشبه ظلالك

دايم مـــعـــــك .. لكن بالصد ينداس

الشاعر غارم العمري