الشاعرهـ (وضحى) والـدلـه

من قصص الماضي

الشاعره وضحى العواد
رأت في يوم من الأيام أن الدلة
مركات على النار إلى جانب قدر الطعام.
فتخيلت الدله تتحدث واخذت تقول على لسان الدله
ومن ثم ترد هي على الدله
وهذي من الاشياء الجميله ان الشاعر يخاطب شي جماد مثلآ ويتحدث على لسانه ويرد عليه

الخلاصه كانت هذي المحاورة بين
الشاعرة ( وضحى الدخيل العواد )
والـــــــدلــــــه

الدلة :
عقب ماهو مركبي قدم الرجالي

قمت انقّل من محل اليا محلي
صرت من حسبة قدورك عزتالي
ول ياعصر الفَلَس جعلك تولي

**

وضحى :
اصبري في صبرنا والعمر بالي
آه واويلاه ياعصور مضىً لي
ما جرى لك يادلالي قد جرالي
والليال اللي مضن لك قد جرىً لي

**

الدلة :
يوم انا محشومةٍ قِدمِي مزالي
ونجر ماوٍ يدعي الغادي يدلي
ما حلا الفنجال بايمان العيالي
بين شيبانٍ وشبانٍ تسلي

**

وضحى :
ياعزيز الشان يا منشي الخيالي
ارحم اللي دمعته دلت تهلي
كيف هيضتي جروحي يا دلالي
اسمعي يادلتي والا فولي

**

الدلة :
ما سمعنا لك وعندي لك نكالي
باشتكيكم والمحاكم لي تحلي
كيف يام حسين ما ترضينها لي
كيف اشوف الغبن واسكت واستهلي

**

وضحى :
الشرايع ما تقول الا العدالي
وكل ما قالت بشرعه جايزٍ لي
وان شكيتيني هجرناكم ليالي
من ابريق بالترامس نا نزلي

**

الدلة :
الترامس ذوقها ما هوب حالي
واعسى كل الترامس فدوةٍ لي
إشري الرسلان لو هو كان غالي
واركي الدله وبالرسلان زلي

هذا وسلامتكم
محبكم
سـ ي ــف الــ ع ـــرب