ربيع قلبي

كـلٍ يقـول الزيـن كلـه بخلـي
أكيد ما شافوا مـن الزيـن حاجـه

ما شافوا اللي رمش عينه مظلـي
قلبي تكسر منـه كسـر الزجاجـه

خـلٍ ذبحنـي بالغـلا والتغـلـي
ربيـع قلبـي شوفتـه وابتهاجـه

هو روح روحي هو بعد كل من لي
لا شافني زعلان يضحك حجاجـه

ويفـز لـي فـزة محـبٍ يهلـي
هو طب جرحٍ ما عرفتوا علاجـه

وليشاف غيري صد كله رضاً لـي
حتى نظر عينه عن النـاس عاجـه

ما غير أناظـر بالخلايـق تسلـي
والله اعلم عن خافقي وش مزاجـه

أوادعـه ودمـوع عينـه تهـلـي
ما باعني قلبـه بموسـم خراجـه