أحرجتني

هذه تجربة متواضعة لي في عالم الشعر أنا أعلم أنها قد لاترقي إلى مستوى القصيدة الشعرية الناحجة
و لكن أريد نقدكم الهادف للقصيدة

أحرجتني

أمس العصر جعله مع الدهر مايعود

حنيت له و الرجل يمه خذتني

قلطني المجلـس و شايبه موجــود

و أرسل سهام عيونه اللي اتعبتني

قدم لي القهوة مع التمر و الـعُـود

و أقفى وزفراتي عليه أفضحتني

جلست أنا وحدي مع الشايب العَود

و أقول كن ابنيتك ما اعرفتني

قعدت أسولف له عن البـر والذود

و ديوني اللي ف البنوك أرهقتني

حكيت ما عندي و لا منه مردود

يشر لي بعين و الاخرى أرمقتني

أثره أصم أبكــم و فيه البلى زود

و فراستي ف الناس ما ساعدتني

ذبحني الشاهي على غير مقصود

و شربت م القهوة الين أشرقتني

و بعد ســاعة عودت ربة الجود

تضحك ولون اشفاتها عذبتني

ظليت أنا في موقف غير محسود

ضحكت علي بحسنها و أحرجتني

تقولي الشايب به السمع مفقود

حسبي عليها كانها ورطتني