ياعمري الدنيا ماتسوى

يا عمري الدنيا ما تسوى تنام وخاطرك زعلان

ولابـه شــي يســتاهـل يخلـي قـلـبـك يعــــانـي

طلبتك كان لي خاطـر تبعـد عنـك الأحـزان

فديت أعيــونك الحـلوه تبـسم لـو علـى شانـي

حبيبي صار لي مدة أشوفـك تايـه وحيـران

وانا والله لا شفــتـك حــزيـن تــزود أحـزانـي

أنا احبـك ولا ودي تعيـش بدنيتـك ندمـان

ترى ألأيام محــسوبة وتالــي هــالعمـر فانـي

تصدق بسمتك والله تفرح خاطـري الولهـان

يطــير من الفــرح قلــبي واصيـر بعـالم ثانـي

والى من شفتك بضيقة أحس اني انا الغلطـان

أعاتب نفسي بنفسي ولــو ما كنت أنا الجاني

غلاك بداخل أعروقي ولا يوصل غلاك انسان

يمر الوقت ويثبت لــك غــلاك ان الله أحيانـي

أضحي بعمري لعيونك...تنام انته وانا سهران

وانادي جروحك لقلبي تجي واحد ورى الثاني