( ( يا رفيقي لا تكبر ) ) .... بيني وبين مرضي

اتمنى ان تنال اعجابكم واوجه تحية كبيرة تليق بمقام الشاعر الكبير مرضي بن عبدالله
على رده الرائع والفريد ..

البدع :

يا رفيقي لا تكبر وش لزوم الكبريا والزود=
تعرفني وانا اعرفك من قبل واعرف ربعنا والديره=
كلنا عند اللوازم في مواقفنا سواسيه=
والله انه يا رفيقي ما يميّز واحد(ن) عالثاني=
الا تقوى الله واسلوب التواضع والكرم والطيب=
والتكبر من صفات ابليس وانه ذا اخرجه من الجنّه=
واحرمه من رحمة الرحمن من يومه لا يوم الدين=
يا رفيقي مالك الا آنا وانا لاشك مالي الا انته=
والليالي ما احد(ن) يضمن خوافيها وغيبها=
والليالي ما احد(ن) يضمن خوافيها وغيبها=

الرد :

يا النخيل اللي ثمرها كل عام بالتمور يزود=
ترتوي من منهل(ن) والعين زرقا تدفعه وتديره=
من غروس جارها الله من التهالك والسواسيه=
في يدي من يعرف ينقي الجنى ما عثّها عثاني=
يقطف اللي طاب واللي بعد يرقب جودته ويطيب=
يوم بعض النخل ما يفسد ثماره غير كف الجنه=
همه السمعه وتسديد الديون ان حان يوم الدين=
قل لمن طفف موازينه عليك الله توقف وانته=
والعرب ربي يحاسبها بنجواها وغيبها=
والعرب ربي يحاسبها بنجواها وغيبها=

وسلامتكم
_____
___
_