تخيّل شخص في عيده وجرحه أجدد ثيابه ..~

● ● ●
بسم الله الرحمن الرحيم




نزف حبري من طعون الفكر وهمومـي السكين
........... بعـد مامات آخـر فـرح يضمـّد جـرح قد صابهـ
نزع جرحي أثر فرحي ، وصار الحزن بي حزنين
........... حزن هالجـرح يوم أقبـل ، حزن هالفرح وغيابهـ
كستـني هالجـروح اللـي تجدّد / كل يوم تبين
........... تخيـّل شخـص في عيـدهـ وجرحـهـ أجـدد ثيابهـ
أشـوف مرايتـي قصدي أرتّب جرحي المسكين
........... وأشـوف الهـمّ قدّامي ، غريبـهـ كيـف نتشـابهـ
بفكـّر أقتلـهـ لكـن أببـدا طعنتـي مـن وين
........... من أطرافي ؟ من أعماقي ؟ أساس الفكـرهـ كذابهـ
لأنـي صـرت بأعماقهـ وكان العكس قبل الحين
........... لأنـي صـرت به نبتـهـ وصـار بعالمـي غـابهـ
لأنـي صـرت بهـ دمعـهـ وصار العين والخدّين
........... لأنـي صـرت لـه شوقـهـ وأوفى أوفى أحبـابهـ
قِـدَر جـرحـي يزلزلني يزعزعني يأثـّر زين
........... بشخص(ن) دمعتهـ سيف(ن) مابين الجفن وأهدابهـ
طواري موقف(ن) جابـهـ أبنسـاها ليـوم الدين
........... ولكـن كيف أنا بانسـى طواري موقف(ن) جابهـ
نزفت الجرح لجل أنسى ، لقيت النزف لي تدوين
........... عزفت الفرح لجل أقسى ، هجرني الفرح وأسبابهـ
فمـان الله يا فرحـي فمـان الضحـك للغالين
........... هـلا بالجـرح مادامـهـ بينـزف حبر وكتـابهـ





● ● ●