ردو قبل لاتنفضح لينا

السلام عليكم ورحمة الله

مساكم الله بالخير
فيه موضوع صار لصديقة اختي الاسبوع الماضي
وانا بصراحه ابغى اعرف اكثر من نصيحه لها
المهم اخش دووغري بالموضوع

هي فتاة من اسره معروفه باخلاقها
ولهم مكانتهم الخاصه
البنت((لينا)) خبرة عمها عن وحده تعرفها من قرايب امها من بعيد ومن الجماعه
وحبت تكون هي شريكة حياته وبالفعل تزوجها وصار اسعد انسان بزواجه من هذي البنت
((ولينا))اللي بقلبها على لسانها والكل يعرف في عايلتهم هذا الشي ويعرفونها من عيونها
ان كذبت ولا صدقت
المهم تقول دايم اهل زوجة عمها يلمحولها لواحد من اولادهم((ولينا ))تتهرب وتقوم من المجلس
قدر الله وتملك الولد اللي كانوا يلمحولها عليه من وحده تقربلها بس دايم يشكي منها ويتخلق المشاكل بس ماجاب فايده المهم (اثاري الولد يحب لينا بس اهله غصبوه على البنت هذي الاهل تفشلو من اهل البنت بسبب تصرفات ولدهم بس الولد ماهمه فجاء يوم وكلم خطيبته وقالها انا ابجي ازوركم اليوم وما ابغى احد من اهلك يعرف وابغى نكون لحالنا طبعا البنت اعتذرت وبينتله ان طلبه مرفوض وصعب
قام واستغل الفرصه واختلق المشاكل وطلقها وما خلا شي بالدنياء من سب وكلام يلحق بالشرف الا وقاله
وصدقوه اهله وقامت علاقت الحقد بين العايله هذي..
المهم (لينا كانت في البيت هي وامها على اذان العصر دق التلفون نطت لينا بتشوف من رقمه على اساس انها وحده من صديقاتها شافت الرقم وصاحت لامها يمه تعالي ردي هذا رقم بيت زوجة عمي قالت الام لا ردي انتي رفضت لينا وخلت التلفون يرن(تقول مافيها لسواليف الكبار)جت امها وردت
وعليكم السلام الحمد لله
لا لاياولدي غلطان صكت امي السماعه وناظرتني قالت واحد يقول ممكن صقر ماامدا امي تكمل الا ويدق التلفون مره ثانيه شافت امي الرقم الا هو نفسه ردت بعصبيه نعم وش تبي ايه عبد الرحمن ولد من
صكت بعد ماقالتله غلطان هنا امي ناظرتني نظرت شك قالت لاعاد اشوفك بجنب التلفون وخليك باقي تكلمين احد(طلع الولد اللي يحب لينا هو اللي يدق
راحت الايام الا ام الولد تدق على ام لينا وتطلبها يجونهم سمره وافقت ام لينا وعلمت لينا
لينا طلبت امها تقعد وحاولت بس مافيه فايده لازم تروح قالت لينا لامها (يمه انا حاسه انه بيصير شي
((للمعلوميه لينا جمالها رباني وكان تركيز جمالها بعيونها ما اكذب عليكم انا شفتها وانهبلت بس في النقاب بس ربي يعلم انها عندي مثل اختي)
))وصلوا وورحبوا فيهم طبعا كانت حول الساعه عشره وكانت فيه مرة عمها وامها ومرة اخوهم الكبير مر الوقت في سوالف وكانت لينا كل ما تحط عينهاعلى ام الولد الا تلقاها مسرحه فيها
لينا تسوي حركات بيدها عشان تقوم الام من التسريح
قامت اخت لينا الصغيره تبغى الحمام راحت معها مرة عمهم لان لينا كانت خايفه لما تطلع يكونون الاولاد موجودين رجعت مرة عمها بدون اختها سألتها وينها قالت هذاهي جت
اخت لينا تبغى تنام فقامت مرة عمهم وجابت جوالها والشاحن وتباهت فيه بعدها اشغلت لينا بقولها اسدحي اختك على الكنبه هذي خليها ترتاح قامت لينا وسدحتها في اللحظه هذي صورة مرت العم لينا وابتسمت لمرت اخوهم هنا ام لينا شكت ووثقت في الموضوع
مرت السواليف وجا ابو لينا ودق الجوال وقال بسرعه اطلعوا لينا ماصدقت خبر اخذت عباتها وجتها مرت اخو عمتها قالت تعالي معنا الاسبوع الجاي الاستراحه انتي وامك اعتذرت امي على طول ان عندنا عزيمه قالت خلاص اجل ابمر انا وبأخذ لينا هنا لينا ردت بكل ثقه وقالت انا ماراح اطلع حتى لوطلعت امي ما احب اطلع مع ناس غريبين قالت مرة عمهم مالغريب الا الشيطان قريب نكون نسايب وطلعوا
في البيت ام لينا مسكت لينا وقالتله انها تصورت لينا تبكي وتقول انا ماقلتلك لا تخليني ارووح طبعا
البنت ضعفة وانعدمت حياتها تقول اختي ماصارت تداوم بالاسبوع الايومين بس مسكتها اختي وفهمت منها السالفه وعلمتني اللي فهمته ان البنت تقول ان محد يدري بالسالفه هذي الا هي وامها ولا يدرون وش يسون هل اذا تقدم يخطبها توافق ولا لا
لا تبخلون ياشباب ابغى الراي السديد والله ان القهر بقلبي والبلى ان عايلة لينا شكاكين بدرجه اولى