اهدي ابيات للي يجي بعدك

جاني الخبر يا صاحبي واظلم الكون ==== قدام عينـي ثـم نطقـت الشهـاده

على العموم اقولهـا الـف مليون ==== مبروك من قلـب شكالـك ابعـاده

مبروك لا يهمك سواليف وضنـون ==== من عاشق يهديـك فرحـة فـؤاده

سو الفرح اليوم وابليـس ملعـون ==== واللي يشب النـار يجنـي رمـاده

انا اول العالم على القصـر يلفـون==== اول معازيـم الـفـرح والـحـداده

ابشري انا بشرف على العرس بالهون ==== كـل يعبـر فرحـتـه باجتـهـاده

لو البلا عبرت يقولـون مزيـون ==== المشكلـه القلـب يفـضـح وداده

يوم العذارى فـي دخولـك يغنـون ==== وعروستك باحلى ثوانـي السعـاده

كنـت اتمنـى بداله والله اكـون ==== واحط انا كفي تحت راسك وسـاده

واشلون ابكتم صرختي يوم تمشون ==== تكفـى ..خذنـي للعروسـه قـلاده

حتى معازيم الفرح قامـو يمشـون ==== واصبحت انا وحدي بدون استفـاده

وطفو علي النور من غير يـدرون ==== قصر الفرح يا قبر(المحروم) ومهـاده

وصيتي لو جاكي ولد وانـا امـون==== أسميه لك(محروم) قبـل الـولاده