فلة وخدامـه ولكـزس وجـوال

بعد الفقر حطت شريحة وجـوال
يسعد مسـا جوالهـا والشريحـه


كانت تجيني تشتكي قلـة المـال
وتصيح لاجا طاري الفقر صيحه


تقول أبويه دايـم الـدوم رحـال
وأمي كبيرة سـن دايـم طريحـه


وأنت الوحيد اللي لك القلب ميـال
دايم يصارحني وأنا له صريحـه


طفله وأنا معشوقها بين الأطفـال
جريح حب وطاح له في جريحـه


كنا سوى نرسم على التربه آمـال
وأحلام تقتلهـا الحيـاة الشحيحـه


كم دمعةٍ كانت على الخد تنهـال
وإذا نزلت ضاقت على الفسيحـه


الله كم صرخة وهمسـه ومـوال
الله كم جـادت علينـا القريحـه


نخيل لوما في السماء برق وخيال
واقول انا فلان وانتـي فلانه


تقول لا حطيت لك بشت وعقـال
وسخر لك الرحمن عيشه مريحـه


أخاف تتركني على عثـرة الفـال
للفقـر ووجيـه الحيـاة القبيحـه


وحبيتها بيـن الخلايـق والأزوال
حبٍ يطول الوقت محـدٍ يزيحـه


وسلمتها قلـبٍ تباريـه الأهـوال
وطاح الخفوق وطيحة القلب طيحه


راحت وخلتنى مع القيـل والقـال
شاعر صواريف الدهر تستبيحـه


ودار الزمان وغير الحال بالحـال
وجاها الزمان بكل ورده وشيحـه


فلة وخدامـه ولكـزس وجـوال
وأنا عجزت أدفع رسوم الشريحه