الصور لفندق هوليداي إن كورنيش الخبر الجديد‏

السلام عليكم ورحمة الله وبركاته

هذي بعض الصور لفندق هوليداي إن كورنيش الخبر الجديد هم مسمينه كذا

طبعا الفندق توه مافتح إلا جزء منه والغرف المتوفره اللحين علي كلام الرسيبشن

بس غرف الستاندر العاديه وصراحه انا دخلتها ممتازه ومريحه والوانها هادئه

والفندق يقع علي طريق الملك فيصل الساحلي خلف فندق الموفنبيك طبعا مو بالظبط خلفه

مقابل ابراج المطلق والفندق شكله منتجع صاير علي شكل لاينات والموجود الأن

دورين فقط واعتقد باقي يبنون الفندق الريئيسي او المبني الرئيس وقسم السويتات يبي له شهر او شهرين

واللوبي الصراحه جميل جدا جدا وفيه كوفي شوب ومطعم اللحين فطور وغداء بوفيه مفتوح

والعشاء منيو واسعار الفطور 59 ريال زائد 15% خدمه والغداء 99 زائد 15% ماجربته

وانا صورت بعض الصور وانا ماني متعود اصور لاني والله استحي فاخذت بعض اللقطات تمشي الحال

واتركم مع الصور بدون ترتيب رتبوها علي كيفكم لأنها كثير

صور الواجهة الرئيسيه

صور اللوبي كان فيه ناس في افضل موقع ماقدرت اصوره

وهذا قهوجي في اللوبي قهوة وقدوع (حفله)

الغرفه لونها رمادي رصاي حلو وهادي والحمام صغير شوي صوره غير واضحه

وهذا مابين المبنيين والمبنيين علي شكل حرف U متقابلين والمطاعم واللوبي في الوسط

ماعتقد انها برك سباحه لانها صغيره وفيها نوافير ولا فيها سلالم السباحه

وهذي بعض صور المطعم ما كان وقت وجبه والكوفي شوب نفس الشي كان فيه ناس ماصورته

تصويري لكم عليه مش ولا بد ومركز التحميل لخبطني إذا حملت الصور ماتجي مرتبه

وبعضها اختفي وتصغرت الصور زياده عن اللزوم مما افقدها بعض جمالها والله أعلم 000

وتقبلوو تحياتي

آل غيهب