انا ياعزيزي لا امتلك اسلوب دعوة وان كان لدي ذلك فلا امتلك العلم والدين الكافي للتخاطب معه ... وانا مافرضت عليك انت واعضاء المنتدى شي ولا استطيع افرض اي شي على اي شخص وانا طرحت الموضوع في قسم الحوار والنقاش لا حظ (( الحوار والنقاش))
في شخص أخطاء عليكم أنت حددت أن هذا الشخص مطوع يعني حطيته في خانة المطاوعة وغالبية المطاوعة شيوخ وأهل علم.
انا استخدمت كلمة {مطاوعة} لان هذه الكلمة هي الشائعة في المجتمع ولست انا من يصنفهم من ضمن المطاوعة بل المجتمع كله يصنفهم ولاّ ياليتني اقدر افصلهم واصنفهم تصنيف خاص وفيه ناس مثل ماقلت ياعزيزي صنفوهم:
(مطاوعة آخر زمن)
فيه ناس يلتزمون ويظهر عليهم الإلتزام من تربية دقن وغيره ويجلسون في حالهم وفيه ناس يلتزمون وقبل يدرس العلم أو يدرس الأدب تأخذه الحمية ويتكلم مثل صاحبكم الي في المقهى، وفيه ناس وهم الأكثرية يذهبون ويطلبون العلم .. والعلم يشمل الدين والأدب.
أنا أوافقك في ذلك
يا أخي أغلب المطاوعة بل قل أكثرهم تذهب أبصارهم من كثرة طلب العلم وتتكسر ركبهم في حلقات العلم ويتحملون مشاق طلب العلم من هجره وتنقل وحتى زحمت السيارات إلى حلق العلم ومشوير وحر وصبر على مواعيد الدروس والصبر ليس كل شخص يستطيعه
كل ما ذكرت ليس عذر يمنعه من تطبيق الدعوة وفق مانصت عليه الآية .... وإذا ماطبق الآية والعلم اللي بها والدعوة الى الله وفق منهاجها فماذا الفايدة من(( دلّاه وقبّاله ))؟
{يعني وش الفايدة من التعب اللي تعبه اذا ماطبق اللي تعلمه} ..؟!
ولا الناس كلهم يبغون يصيرون علماء بس وين الصبر وغيره من المشاق.
وأضيف على ماذكرت ... وين الاسلوب الصحيح وتطبيقه ...!
الي أبغى أفهمه كيف تجي وتقارن هؤلاء بذلك الجاهل.
انا ما اقارن ولا شي ... هذا موقف وحصل وطرحت الموضوع بين الاعضاء للنقاش ... ومثل ماقلت لك استخدمت كلمة المطاوعة لان المجتمع يصنفهم هكذا ولا ياليت يكون لهم تصنيف آخر واصنفهم به .
هو مثل ما أخطاء أنت أخطاءت كان عندك عدة خيارات:
1- تمسكونه تظربونه يلين يمد الأربع علشان ما عاد يعلها.
قد يكون هذا أسلوب مناسب لــــك بس ماهو مناسب لي وهو أخطأ في عدم تطبيق الآية الكريمة ... تبغاني اجي وأخطي عليه انا ... اعتقد هذا لا يعقل ...
2- تقوم وبأسلوب لطيف وتقوله الكلام الي قلت في أول الموضوع وتفهمه غلطه.
والله اتمنى بس ما اعتقد انه بيفيد معه ... ومثل ماقلت لك يبغى له واحد اعلى منّي ومنه في العلم والدين ....
(( رحم الله امرء عرف قدر نفسه))
3- تشهد عليه وتروح تقدم شكوى وأتوقع القاضي راح يجلده لقلة أدبه.
على أي اساس اروح اشتكيه ..؟ (( إنك لا تهدي من احببت ولكن الله يهدي من يشاء ))
رجاءً أنقد الشخص بعينه لا تدخله في فئة أخرى.
أنا أنتقده بعينه وهناك ناس كثير من أمثاله ... ومثل ماقلت لك أستخدمت كلمة مطاوعة لأن المجتمع يطلق على كل من اطلق لحيته وقصر ثوبه ((مطوّع )) وهذا شي غلط مثل ما ذكر العم أبوفهد العمري . وياليت ان المجتمع يفرق بينهم لكن لا حياة لمن تنادي والشاهد من الموضوع ان مثل ذولا شوّهوا الدعوة إلى الله وشوهوّا صورة الدعاة
الإهداءات
09-02-2009, 02:00 AM
المواضيع المتشابهه
العرض الشجري