الوووه!!/ساكت!!/كن مــا ني احاكيه!!

للشاعر ..اياد المريسي..








الوقت مــــا يعـــــــــرف حبيبـــــي ولا جاه
والناس ماتدري عن الصدر وش فيه!

أكذب واقول اني معزم ابنساه
واكذب علــــــى نفســــي اذا قلت : ما بيه

والاه فــيـــنـــــــــــي خـــــــاوت الاه والاه
ليمــــن تعمد عـــــاذل القلـــــــــب يطريه

واتذكّـــره واذكـــــــــر يســـــــاري بيمناه
وانــــا مـغـمـض عين قلبي علـــــى ايديه

قلت اتصل ؟!! لا مــــــــا اتصل؟!! باترياه
واســـــــرح الين اصحى بضحكة غناويه

من غير ما اشعر كيف ؟! وشلون ؟!..ابداه
الوووه!!/ساكت!!/كن مــا ني احاكيه!!

الووووووه !!! /ما بي غيرها ...واتفداه
رغم اني مــــــا ني مزعله قمت اراضيه!!

دوم آتســـــائل ليه يسكــــــت وانا معاه ؟!
وأثــــره يبينـــــي انتبه لجــــــــــل اناديه

من شـــــــــــان يسمـع قلب تشهق خلاياه
لـــــــي قلت(يافلان) وجـــــاني الرد : لبيه

واتعمد (ا ت ب ع ث ر) اذا كنت وياه
ومــــا هـــــو مقصر جعلنـــــــي فدو كفّيه

ادري ويدري كــــــــم احبــــــه واهواه
واشتــــاق له حتـــــــى وانـــــا بين ضلعيه

ويتعمد الحيـــــره وانــادي يرد: هاااااه
وان عزّم ابيذبح يجي يقول لي ..ليه ؟!

ساعات أتسائل انا!! ليه ؟!! /انا!! يااااه
اقسم بربي ارتبك لـــي همس ...هيه!!

لبيه كلــــــــــــــــي ..كل ما زم لي اشفاه
لبيه مــــــاهـــــــي مثل ما يقول ..(لبيه)!!

تشلـــع (ع ر و ق) القلــــــــب والله والله
لين النفس ما عــــــــاد يا نـــــاس يمديه

وتضج فـــــــي صدرى من الشوق ويلاه
واصــــــرخ انا والقلب بالصوت ..(نغليه)

يالبنــــــــي كلـــــــــي بضـــــــــحكة ثناياه
يومه تلفـت شـــــــاف مانــــــــــي حـواليه

يصب فـــــي فناجــن أذنــــــــي حكاياه
وتعرق اصابعـي لوعتي لـي نطـق :(جيه)

حتى لـــــــو انـه ساكت اسمـــع حزاياه
وما عـــاد يبقى فـي لسانـى سـوى :(ايه)

يعرف طريقه وســـــط صــــدري وممشاه
تتغـــنج ابمشـــــــــى عروقـــــي خطاويه

الغيد بعيونــــــــــي غــــدن جملة اشباه
والحـــــسن/والفتّــــــان ....اول اساميه

مو قلـــت انا اكذب اذا قلـــت ابنساه
واللـــــــي خلقني مـــــا اتركه او اخليه










لروعتها نقلت..