تمارين للحصول على قوام متناسق

أكيد حلم كل بنت هو الحصول على قوام متناسق خالي من أي عيوب ممكن تكون موجودة فيه زي مثلا بروز البطن "الكرش" أو مشكلة الأرداف العريضة أو مشكلة "ترهلات الصدر" وغيرها من المشاكل اللي ممكن إنها تأثر على جمالك

وأكيد بتسألي نفسك وتقولي ماهو السبب في المشاكل هذي كلها؟؟؟

لو فكرتِ بينك وبين نفسك كويس بتلاقي إن السبب الأساسي في ظهور المشاكل هذي كلها هو "الكسل والخمول وقلة الحركة" اللي ممكن تكون غصب عنك نتيجة مثلا إن طبيعة عملك بتفرض عليكِ الجلوس لفترات طويلة.. أو

إن ما عندك إمكانيات أو وقت إنك تروحي النادي تسوي تمارين رياضية.

بس اش رأيك تتخلصي من كل المشاكل هذي وإنتِ قاعدة في بيتك ومن غير أي مجهود.. كل الحكاية إنك تفضي نفسك كل يوم ولو لمدة نص ساعة ونسوي شوية التمرينات اللي راح تشوفينها لان مثل ما إنتِ عارفة إن

ممارسة الرياضة شيء ضروري جدا ومفيد.

بس في البداية

قبل ما نقول لك على التمرينات لازم تنتبهي لأشياء بسيطه ....

1- ياليت إنك قبل ما تقومي بممارسة التمارين الرياضية وبعد ما تنتهي من ممارسة الرياضة تعملي تليين لعضلات جسمك....... لأن البدء المفاجئ في التمارين الرياضية أو الانتهاء المفاجئ منها ممكن إنه يعرضك لمشاكل زي حدوث شد في عضلات الجسم أو تشنجات أو حدوث الألم خاصة لو كانت التمارين هذي شديدة شوية.

2- احرصي على شرب كمية كافية من الماء في الأيام اللي تسوي فيها تمارين علشان تعوضي جسمك عن فقدانه للسوائل.

3- مو محتاجة إني أقول لك إنك لاترهقين نفسك زيادة عن اللزوم في التمارين الرياضية علشان ماتشعرين بالإرهاق والتعب بعد فترة قصيرة من بدء التمرين وتكرهي اليوم اللي فكرتِ فيه إنك تمارسي رياضة..

وخليكِ دايما متذكره ..
إن الحصول على الوزن المناسب والجسم الرشيق ما راح يجئ بين يوم وليلة، و محتاج وقت وصبر وجهد ومحتاج إنك تلغي من قاموس حياتك كلمة مافيه فايدة أو زهقت ولازم تعرفي حاجة مهمة وهي إن الاستمرار في ممارسة التمارين هو شرط النجاح في الحصول على القوام المثالي الخالي من أي عيوب.
تعالي نعمل التمارين مع بعض
يلاّ.. واحد اتنين...
تمرين الوقوف على أطراف القدمين

والتمرين هذا بيسمى تمرين الوقوف على أطراف القدمين وكل اللي تسويه فيه هو إنك تقفي على أطراف قدميك لمدة خمس ثوان مع شد الجسم.. وبعد كذا تقفي على رجلك .. وترجعي تكرري الحركه 5 مرات مع مراعاة إن إيدك تكون جانبك وظهرك يكون مفرود.
وعلى فكرة التمرين هذا مفيد جدا لأنه بيساعد على شد عضلات الجسم ومنع حدوث ترهلات في الفخدين.
تمرين الأرجـل

اجلسي على كرسي مع مراعاة فرد الظهر بعد ين مدي رجلك اليمنى للأمام ورجعيها ثاني إلى وضعها الأساسي..
كرري التمرين 8 مرات لرجلك اليمين و8 لرجلك الشمال والتمرين بيفيد في التخلص من مشكلة الكرش وتخسيس منظقة الفخدين والتخلص من ترهلات الفخدين

تمرين البطن

نامي على الأرض وإيدك جانبك بعد ين اثني رجلك اليمن 8 مرات ورجلك الشمال 8 مرات.. والتمرين بيساعد على تقوية عضلات البطن والتخلص من مشكلة ترهلات البطن

تمرين لشد البطن

وهذا كمان تمرين ثاني لشد البطن والتخلص من ترهلات البطن.. كل اللي عليكِ إنك تنامي على وجهك وتحطي إيدك ورا وترفعي رأسك بصدرك عن الأرض لمدة خمس ثوان، وتنزليها ثاني.. كرري التمرين 5 مرات مع مراعاة

إن يكون ظهرك مفرود.. ولو تبين نتيجة أحسن ياليت تسوين مع التمرين هذا تمرين البطن كمان,,,,,,,,,

تمرين الأرداف

نامي على بطنك وإيدك جانبك وارفعي رجلك اليمين نص رفعة وبعد كذا رجلك الشمال.. كرري التمرين 5 مرات لكل رجل.. وعلى فكرة التمرين يساعد على جعل لارداف متناسقه ,,,

تمرين لتقوية عضلات الظهر

نامي على ظهرك وإيدك جانبك، وبعد كذا قومي بظهرك من على الأرض نص قومة لمدة خمس ثوان، ورجعيه ثاني على الأرض.. كرري التمرين خمس مرات لأنه بيساعد على تقوية عضلات الظهر.

أتمنى لكن قوام رشيق وجسم مثالي وصحة جيــــــده ,,,,,,,

.





.