جروح الحب

زرعت الحب في قلب به الأشواق محروقه=سقيته دمعة وحده بقت في داخل اعياني
عطيته فرحة البارح دخيل الوقت مسروقه=حرام الحب ياتيني ويسكن وسط وجداني
ياليت الحب ينصاني وياتيني من اشروقه=جروح الحب ما ترحم اذا حبي توازاني
ارى كل البشر عاشق يضم اكفوف معشوقه= دخيلك لاتخليني مع العشاق وحداني
انا كلي أمل بنت تشد القلب بعروقه=وتسكن داخله حب يظخ بكل شرياني
انا كلي امل بنت تشل الفكر وتبوقه =تخليني مع افراحي مثل ما كنت بحزاني
انا كلي امل بنت تزين امزاجي اتروقه=تعذبني انا اول وعذبها انـــــــا ثاني
انا كلي امل بنت تجيب الحظ وتسوقه = تسليني عن احظوظي وتتبسم على شاني
انا كلي امل بنت تخلي القلب منطوقه=احبك يا بعد عمري عليها الحب وصّاني
انا كلي امل بنت تشاطر قلبي اخفوقه=تعيش بداخلي فرحه تعاني مثل ما عاني
اذا هذا الأمل عايش عساني اشهد ابروقه= واذا مات الأمل عادي جروح الحب مجاني