**ديـــوانـيــــة ابــتــســامــات**

مرحبا مليون ترحيبة بالغالية بنوتي..

وحياج الغالية...

ومشكوره الدبه على القصة ..

نزين من يومين اتصلت على بنوتي وهي في حبسها الانفرادي يا حرااااااااام تدرون السالفة ما فيه داعي للاعاده نزين قلت لها الدبه شو تسوين ؟؟؟ واش حالج في الحبس

قالتلي اقرأ قصه وايد حلوه

قلتلها افاااااا تقرين قصه وما طرشتيها لي وانتي تدرين فيني احب القصص وايد قالت فالج طيب بس اخلص من الحبسه وادخل النت بطرشها لج ..

طبعا انا ما رضاني الوضع قلت لها إلا تطرشينها الحين وله تراه ما برمسج ابد قالت افاااااااا كله ولا زعلج يا الدبه (ام محمد) ههههههههههههههه (مصلجيه البنية) المهم فتحت النت وطرشتها لي

المهم انا مشكلتي الوحيده اني يوم اقرأ شئ ما انتبه للعالم اللي حولي ابدا ابدا المهم طلعت القصة برنت طبعا القصه اكثر من 250 ورقة وجلست اقرا الكل افتقدني في البيت امي عاد حرام ما قدرت تتحمل اول مره اني اخلى باب الغرفة مفتوح وعادي عندى المهم دخلت الوالده طولي بعمرها وتطالعني وانا في عالم غير العالم وقفت وبعدين طالعتني ما منتبه لها .

امي : اسم الله عليج يا بنتي اش فيج؟؟ شو ها الورق اللي تقرينه؟؟

طبعا بعد فتره رديت هاه امايه شوه تقولين ؟؟

امي لا سلامتج بس اسأل شو بلاج صالج فتره ما ظهرتي من الغرفة ؟

اقرأ قصه يمه وايد حلوه ..

امي غسلت ايدها مني وظهرت لانها ادري في بنتها ما دامها تقرأ قصه معناتها ما بتعبر احد ولا بترمس ويا احد المهم اقرا ويهي كله معتفص وحالتي حاله ومر ابكي ومر اضحك واختى توها راجعة من المدرسة دخلت عندى طبعا عشان تعطيني تفصيل عن اللي سوته في المدرسة هي وشله حسب الله مالتها قالت اسم الله اش فيج الوفا منو مهاوشنج ليش تبجين ؟؟

ما رديت عليها يا حراااااااام

هيه انتي بعدج في القصة مالتج اقول يالله بالعقل يالله بسير عنج اتغدى ويوم تخلصى صايحة على ابطال القصة لحقيني انا في المطبخ اتغدا هههههههههههههههه

والحين خلصت القصة بس شوه قصه شئ صراحة..