ياضيقة الصدر ........!!

مدخل..~

لا يزعجك هالسكوت اللي تلحفني .
احيانا الصمت عن بعض الحكي خيرة .

ياضيقة الصدر ياهمي وغربالي
.................... ياحزن قلبٍ همومه دوم مشغلته
لامر طيف الغلا جريت موالي
.................... وعديت راس الطويله والشعر قلته
بأسباب ذاك الغزال اللي سبا حالي
.................... اللي له الود وأجمل حب بادلته
المترف اللي بيّده المر والحالي
.................... اللي له الشعر صعبته وسهلته
من عام كامل وهو فاقده جوالي
.................... لادق ولاأرسل معاذيره وجملته
واليوم فرقا حبيبي قالب أحوالي
.................... حتى خفوقي فغيابه زادت أسألته
وينه حبيبك ودمعك ليه همالي ؟
.................... وينه حبيبك وحزنك ليه طولته ؟
وينه حبيبك مادام الهجر قتالي ؟
.................... وينه حبيبك مادام الحب كملته ؟
ياقلب مافاد مكتوبي ومرسالي
.................... هذا مكانه وحبه ماتجاهلته
لو إن ماهو بغالي والهوى غالي
.................... ماكان ضحيت في غيره ودللته
مل الصبر من بعده وفاحت دلالي
.................... إلا غرامه تصبرت وتحملته
مدري متى يحس في شوقي ويبرالي
.................... لاصار يدري بتقديره ومنزلته
تدري اني أحسد بعد فرقاه عذالي
.................... لأنهم حركوبه .. شي ماطلته ؟!
مع إني جيته غلا ماجيته لحالي
.................... لقيت ضيقي وزود الجرح حصلته
مرقابي الهم والضيقات منزالي
.................... ووادي غرامي من الأحزن سيلته
ماتت من الجرح أحلامي وآمالي
.................... ولو إن حظي بيّدي كان بدلته
لكن هذا النصيب وماتهيالي
.................... قلت القليل وياكثر اللي تجاهلته
الشوق يكبر ولاقصرت بوصالي
.................... وليته يحس بقليل الشوق لاقلته
يغيب كل البشر مرتاح يابالي
.................... إلا حبيبي غيابه ماتحملته

مخرج ..~

رجعني لحلمي الاول و سولفني .
للواقع اللي نفا حلمي بنفسيرة .
رجعني اكتب مثل ما كنت تعرفني .
بعض الحكي صمت لكن فضها سيرة .