نفور الزوجااااااااات من ازواجهن !!!ليش ياترى؟؟؟؟

السلام عليكم ورحمة الله وبركاته

اكثر المواضيع التي تشدني المواضيع الخاصه بالمرأه وطبعا كلها انتقادات من الرجال

ودروس لها في فن التعامل مع الزوج فمن هذا المنطلق حبيت انقل لكم الجانب الاخر

من الحياه الزوجيه والمره هذي عن الزوج .,,,,,,,,,,,

فدائماً نسمع عبارة ..الرجال ما يعيبه غير جيبه او الرجال ما يعيبه شكله ومن هالحكي..

بس ما تعتقدون انو في عيوب أخرى مهمه ممكن تكون عيوب صغيره وتافهه بس تأثر

كتير على حياة الزوجين وتعاملهم مع بعضهم وربما احيانا تصل إلى الطــلاق ...! لاقدر الله

قال الرسول الكريم صلى الله عليه وآله وسلم: ((ألا إن لكم على نسائكم حقاً, ولنسائكم عليكم حقاً))

من المؤكد أن كل الأزواج يتمنون من زوجاتهم حسن التبعُل بمافي ذلك ( النظافه +

الأناقه + التجمل + الروح الحلوة ......... إلخ )

وفي المقابل هل التزمتم أنتم ايها الأزواج بما تتمنونه منهن وتطالبون به من زوجاتكم من هذه الأشياء..؟

لاشك ان اهتمام الزوجة بلباسها وأناقتها لزوجها وتجددها لا يقل أهمية عن اهتمام الزوج بأناقته ونظافته ورائحته العطره. .

راح اتكلم بالعامي حتى آخذ راحتي .

..الحين ماتقولون لي << وش سِـر لبسكم للسروال الأبيض الطويل والفنيله في البيت ..؟


متخيلين المنظر ..
بجد ليه..؟

يعني وش اللي يمنع من انك تلبس بجامه انيقه .. او احتى قميص مرتب .. او تي شيرت وبنطلون .؟

ترا الزوجه تحب تشوفك بمظهر أنيق ومرتب وجذاب مثل ماانت تحب تشوفها بكامل أناقتها في البيت .
...............

وبعضهم الله يهديه تلاقيه يصحى من النوم مدرعم ومافي قاموسه شي اسمه معجون وفرشاه..
والفم ريحته مايحتاااج والسنون صُفر ..ومن زين الوجه يصبّح على زوجته و يسولف
معها....


وتلاقي هالزوجه المسكينه سادّه خشمها وكاتمه انفاسها وقاعده تتشهّد وفي نفسها

تقول اتشهّد واموت ارحم لي من هالكيماوي..وجعل ماجاني تكفير ..

لعلمك عزيزي الزوج ان رائحتك (سواء الفم او الجسم ) تؤثر في مزاج ومشاعر


الزوجة تجاهك ...فلا تستغرب في يوم لما تلاقي منها نفور منك..


راجع نفسك أولا .. وقيس مدى نظافتك واهتمامك بنفسك ..
*عزيزي الزوج لما تصحى اول شي تسويه تفرش اسنانك وتعطر فمك بالغسول المعطر

للفم وبعدين تاكل لك حاجه وبعدها خلي العلكة بالنعناع في فمك دائم .. صدقني بتلاقي زوجتك قريبه منك وتستمتع بالكلام معاك ..
.....................................
وبعضهم الله يهديه .. مقابل النت 24 ساعه .. لا الظاهر 25 ساعه من كثر ماهو

معتكف عالنت .. ولو تطلب زوجته مشوار قال لااااااا ماني فاضي .. مررره مشغول ...!!


وش مشغول فيه ياحسره ..؟ ولما يمل من النت .. يطلع يسهر مع اصحابه في هالاستراحات ..
وهالحرمه مسكينه ضايق صدرها ودها تطلع وتستانس ومالها حيله ..


ولو تطلب سواق... قال لااااااااا معصي اخلي رجال غريب يوديك ويجيبك..


طيب لا انت اللي وديتها ولا سمحت لها تروح مع سواق.... طيب وش الحل ..؟

...................

وبعضهم تلاقيه في البيت دااااااايم مكشر ومعصب ووجهه عبووساً قمطريرا اعوذ بالله .ولايتكلم إلا بالقطّاره.. و نفسيته ياساتر .. ويتطاق مع ذبّان وجهه .. وينافخ على زوجته وعياله ..

ومجرد يكلمه احد من اصحابه او يجونه تلاقي الضحكه شاااقةٍ وجهه .. ويكركر ملي بطنه ..!!

سبحان الله ...!! وين حديث الرسول صلى الله عليه وسلم : ( خيركم خيركم لأهله ) لأهله مو لأصحابه ..!
............................

والمصيييييبه بعد هذا كلللله وبعد صبرها عليه وتحمّلها لغثاه لما يصك الـ 50 من عمره يبدأ يفكر يتزوج الثانيه..

ويبرر لنفسه انه مااعاش حياته ويقول شغله العلم ثم العمل ومااستمتع بزواجه .. ويبي يجدد شبابه ...!

و يتغاضى عن الشيب بأنه دليل على الشيخوخة ويصر بأنه وقار.

ويرى في التجاعيد دليل على سنين الخبرة، فيمضي باحثاً عن شابة في سن أولاده

يجدد معها شبابه ويثبت للجميع وهذا الدافع الأكبر أنه لازال شاباً يتمتع بالقوة..!

......................
وبعضهم ماشاءالله كرمه حاتمي مع الناس بس.. ولما تطلب منه زوجته والا عياله

شي .. شفت البخل اللي على اصول..

وودّك يشهّرون به مع اشعب او جحا .. حتى الناس يحللون اشعب عنده و يعرف ان الله حق..
.................

.. وماذكرته ونوّهت عليه هو فيض من غيض ....

اخوتي الأفاضل .. اتمنى ان تتقبلونها برحابة صدر وتكون روحكم رياضيه ..فانا لم

اكتب هذا الموضوع للإستفزاز .. او لإثارة الغيظ لا والله ..


وأخيرا ياليت تفضفضواعلينا بالحالات اللي تشوفونها ومستائين منها

تقديري واحترامي للجميــــــع ..........
نقلته على لسان عضوه مقهوره من بعض لازواج الذين يحملون تلك الصفات المذكوره في المقال .