خبري فزعتك فأول الضيق

بسم الله الرحمن الرحيم
اللهم صلي وسلم على نبينا وحبيبنا محمد وعلى آله وصحبه وسلم.

طبعاً هذه أول قصيده وأول مشاركه لي في هذا المنتدى أتمنى أن أوفق وأن يجملني الله في عيونكم (أتمنى أن تنال رضاكم واستحسانكم)

يااللِّي على شانَك تعنّيْت فاالضيق=جيتك وَنَا عندي كلامٍ بقوله
لا تحْسِب انِّي جيت لَجْل المحاريق=الحَرْقة اللي فاالكبود الذَّبُوله
لا والله الا جيت لَجْل المطاليق=وعرْفي بك انَّك من عيال الحموله
تشْتَال ما شَاَلت ثُوَابِيتَها اطْويق=والْكِلّ شيٍّ لك تقوله تطوله
فِنْ كنْت تحْسبها بغفْلات واتْفيق=(ترى الردى)..أصْبح نتايج فحوله
الناس ترْدى مَعْ كلام اللوافيق=لا سَمْعَت الخاسي يدق ابْطبوله
أحْدن مع الشقْرا يرد العشاشيق=وحْدن يعن الخيل وبْلى خيوله
وحْدن يسرِّح فاالصباح المشاهيق=وحْد (ابْصباح الله) ينوَّخ ذلوله
وحْدن فعوله بك يجفَّف لك الريق=وحْدن طراته لا ذكرنا فعوله
يعْني ترى الخلْق (ابْتلاءْ المخاليق)=إمَّا يعولك رجْل ولا تعوله
ياصاحبي جيتَك بخطْوات لـ(اتْعيق)=خطْوات في أرض الشرف والرجوله
لنّ الذي مثْلك وصاله مواثيق=أكْبَر شرف وأطْهَر حسان النبوله
الدمْعة اللي لجْلها عزَّة ارْفيق=ماهي بعيب إلا الفخَر في أصوله
أزْفُرْ بها وآهلَّها فالتَّشاهيق=وغْسل بها وجهٍ تحيَّا غَسُوله
ياخي ترى الدمْعات كنْز ابْصناديق=وكرامة الرجَّال حلْق القفوله
هلَّيْتَها بس العفو (دون تعليق)=ماكان ودِّي أكْشف اللي جهوله
أخاف الَانْبَاش اتّبَاها بتصْفيق=وخَاف تفْرحْ في رفيقك عَذُوله
منْ شانها شلَّيْت لك بالطُّواريق=وابْعَثْ بها عُذْر الأخوَّه خجوله
فْهَذا العُذُر منِّي وباالله توْفيق=أقدَّمَهْ عنْدَكْ وعنْدَكْ قبوله
فَلْعام خُبْري فَزْعَتَكْ فَوَّل الضيق=واليومْ ضِيقي بَكْ وعنْدَكْ حلوله

من قصايد/عبدالعزيز بن ناصر بن عايض القرني
24/4/1430هـ