مشاهد وشواهد ..

ابو ريان

توفي شخص من معارفنا ويسكن بعيد عنا جدا وحسب العنوان الموصوف ان قريب من برج دله
وصلنا البرج لكن من اي اتجاه ماعرفنا ونتصل باللي دلنا على المكان مايرد وكم شخص سألناه كان اجهل منا
المهم اكثر من ساعه واحنا نحوس بالشوارع ولا عرفنا الطريق واللي معي موته وانه يسأل احد
في الشارع
اذن العشا ووقفنا عند مسجد صلينا وطلعنا ووافق اخيرا انه يسال
المنطقه اللي تهنا فيها مافيها معلم واضح الا دكاكين ومحطة بنزين وبيوت متباعده ويوم نكلم الناس الاهم كلهم اجانب مافيهم ولا عربي واحد
وكل واحد يعطينا اتجاه
في الا خير قلنا ودونا بس للشارع العام والله يرحم الميت
وفعلا ركب واحد على سيكله ومشى بنا من شوارع مدري كيف شكلها الين وصلنا للشارع العام
بلدنا وتهنا فيها
ولا لقينا احد من بلدنا نسأله
ياساتر لو صا رلنا شي مو زين والله غير ينتفونا نتف الوحوش
الاسواق كل سوق تسيطر عليه جنسيه معينه
محلات الاواني المنزليه لليمن
محلات الاثاث حسب السوق يامصري ياتركي
محلات الملابس ماتعرف لها مله
السعوديين ما تشوفهم الاكاشيرات وحتى مو سعوديين الا تجميع
وعيالنا شهادات ودراسه وتعب وسهر ويتخرج وياخذ خمسين دوره حاسب ولغه وبرمجه وكتابة وطباعه ورياضيات وسكرتاريا وطبخ وكل شي ممكن يكون فيه دوره ياخذه وبا لنتيجه
تلقاه قاعد يناقر امه والشغاله طول النهار ويتخاصم هو وابوه طول الليل وين رحت ومن وين جيت

للاسف مابيدنا الا الكلام
وهذا حال الشباب والبنات منها واردى

رديت من قلبي لارتبت الكلام ولا نسقته لان مثل مايقول المثل الشق اكبر من الرقعه

ويعطيك العافيه ابور يان