{ــ}{ فلسفة غرمان }{ــ}

يا أهل القصائد ناظروا فلسفة غرمان
شاعر مخضرم ما سرق من قصيد فلان
ولا خلطنا ناضج التمر بالرمان
وأبياتنا يشبه لها الفل والريحان
مثل السفينه تعبر البحر بالربان
والسالفه لازم نقدم لها برهان
حتى قصائدنا نعنون لها عنوان
ولا حسبنا قول عاذل ولا عدوان
ما دام ممشانا على سيرة الشجعان
اللي يجازون المزلات بالإحسان
وإن كان زلينا طلبنا الله الغفران
ما نطلب الغفران من حضرة الإنسان
واللي طلبني حق ما جيت أنا زعلان
أرضيه حتى يغتشي وجهه الرضوان
لكن من يخدع مخاويه والجيران
لا والله إلاّ موقعه داخل النيران
وأنا قسم بالله ماني خبيث النيه
حتى لو الأصحاب تجحد جهودنا