يا دنيتي,,!!

يا دنيتي ارحميني وخفي علي اشوي
ملـيت عـذابك ومـن الصبر ملــيت

جروحك في عروق قلبي كنها الكي
ابكي الـم وحـزن لـرحت ولـغديت

طـفل هايـم فيك مـعرف ولا شـي
اضحك وامرح وفي الخفى انغريت

اَاَه عليك ما بقالي من الخلان ولا حي
انحت دمعي على خدي من كثر ما ونيت

اهوجس فيك وحياتي صارت كنها الفي
انعميت وانتهى صبري ومن سمك تجريت

من أول ما عرفتك والهموم كلها لي
تصبرت على جورك وحاولت وصديت

والحبايب الي كنت احسبهم الضي
اول ما عثرت اخذلوني ولا كني مريت

حتى الحبيب الي كنت أظنة كل حبي
انادية واجيلة ويجافيني ولا كني ناديت

عافك الخاطروبسافر لديرة مابها كي
واهجرك وتوبة ما ارجع حتى لو حنيت

ونـذر عـلـي لـنـسـاك دوم مـا دمـت حـي
واهنيك على غدرك وفرقاك خير ما تمنيت

ياما غدرتي بي وانا صنعت غدري بيدي
وانـا بـنـساك دامك عن العطــف صـديت


بقلم /اسماعيل الكويتي