!ٍّ!ٍ!ٍّ!ٍ!ٍّّ قـــالـــتـ يــتــيــمــهـ !ٍّ!ٍ!ٍّ!ٍ!ٍّ

قالت يتيمه ما رحمني زماني .. ولا رحمني من المخاليق إنسان ..

قالت يتيمه يا كثر ما أعاني .. للحزن في قلبي منافذ وبيبان ..

قالت يتيمه ضعت بين المواني .. أبحث على مرسى وأدور لربان ..

فاضت مشاعرها وقالت كفاني .. عشت العمر كل العمر بين الأحزان ..

دارت بي الدنيا بمشوار ثاني .. عقب الهنا أصبحت للحزن عنوان ..

مات الأمل في داخلي والأماني .. صارت سراب ولاح في وجه عطشان ..

من بعد موت الوالده مع أخواني .. مات الفرح في داخل القلب يا فلان ..

رحت أشتكي للخال مما دهاني .. يمكن يحنن قلبه اليوم حرمان ..

في خاطري قلبه رقيق وحاني .. يعطف على قلب معنا وشقيان ..

أثره عنيدن قاسي طبعن وجاني .. لا يعرف الرحمه ولا يعرف إحسان ..

خالي على جرح الليالي كساني .. ثوب التعاسه والمراره والأشجان ..

خالي من الحرمان صب وسقاني .. شربت في بيته من الضيم غدران ..





ولكم مني كل الود ..

صقر صدريد ..