ياغفلة سنيني

عرفت المال مايغني ولافي غايته منعم
عرفت أني بلامعنى بلا ربي ولا ديني


أقول ابسعد بوقتي اذا فيني طويت الهم
هقيت الوقت يضحك لي اذا فيها يسليني


اجي أتبع دفا ايامي وكن العمر لي بيتم
نسيت اني بيوم اسود أبلقى الموت يطويني


الا ياغفلة سنيني نسيت اني بيوم اختم
أصد عن ذكر ربي وهذا ابليس يغويني


ودمعي أنثره دايم وفي عيني دموعي كم
عسى دمعي بيشفع لي وينجيني ويعفيني


شربت الهم بعروقي وفي غفله أذوق السم
أعيش الطيش في عمري وأشوف الوقت يغشيني


احب نفسي وتاليها..أشوف اللي أعيشه حلم
أقاوم والترف طاغي على مجرى شراييني


نسيت الموت يتبعني وانا كل يوم ٍاتقدم
وكل غالي قبل جنبي..يجي يوم ويخليني


وإذا خلوني بقبري ووقع رجولهم ترطم
وفي وقته عسى فعلي من ذنوبي ينجيني


وظلمة ليل تغشاني على قبري وصار اظلم
غدى بيتي ومنزالي وأشوف الطين ياويني


اصير لحالي بظلمة بلا قصر ٍوفيه أنعم
لحالي مالي الوالي وخمس اكفان تكسيني


ولاعندي خدم دايم وآمر سيّدي لك تم
انا هالحين في عيني بلا قصر وملاييني

تجيني وحشة وخشية بيوم ٍمايفيد اندم
اخاف الخوف يقتلني ودمعي يرفض يجيني


الا يارب وانت ارحم علينا من دموع الام
لصار الذنب يعصرني ودود الأرض ينهيني


تجي كل الحواس الخمس تشهد لي وتتكلم
تجيني تشهد بخيري..او ان الذنب يشكيني


يامالي وانت ماتنفع في قبري لو الّمك لم
في حالي خلني وارحل ماعاد المال يغريني


الا يارب ماغيرك فرح في توبة المسلم
تثبتني على دربك وغيره لاتوديني



ابقتل غفلة ٍفيني قبل مايوم ٍاستسلم
قبل لاتستلم روحي..الا يارب تهديني


عجبتني ونقلتها