كَــــــيد بَـــع‘ــضْ شًيِــــــــــبــُآ‘ن~~اَلـــــــدَيُـــٌُرهٌٌٌٌـ

هذي سالفة سمعت بها وحبيت اني
اكتبها لكم هنيه اتمنى تطيب لكم

::::

طبعآآ تعرفون كيد شيبان الديره
بالذات على الشباب ذوليه
مايحبون تكون لهم كلمتن عليه

المهم يقولون كان فيه شاب ملتزم
عبا البخت :: من سكان الرياض
دلى الديره في الاجازه

والولد ذيه من عادته انه يؤم الحي اللي هو
فيه في الرياض
فيوم دلى الديره فكره ان شيبان الديره
عبا ذولا في الرياض
المهم يوم جات صلاة العشى
الا قد استقام قدام العرب في المسيد
واذن واستعد للصلاة بهم
في هذه الاثناء اقبل ظافر وصديق عمره فايز

قال فايز: عين عين يا ظافر ذا في المسيد قدامنا

ظافر: منداهو البثر ذيه والله اني قد ريت كسمه

فايز: ايه ولد بن فاطمه

ظافر: انت تقوله صادق عينه عاد عبا الحمار
كبرن فيه والله اني شقهت عليه ياولد ماخلا من ومه غرسه

فايز: وايذا تعرفها يامتروك

ظافر : كسى الحى ويهه ودنق وغير السالفه

اقول هيا افلح والحق اصلي بالعرب

فايز: ياريال ارتاح ارق ولد بن فاطمة ويصلي بنا

ظافر : ():ابو ولدي بوه وذيه ذا بعد الحفايظ باســـ؟؟ يصلي
بكم وانا ولاكني شي

فايز: ياريال ارفع البندق وامش

دخلو المسيد ودخل في سااقتهم جمع غفير
من اليماااعه

وبداء الصلاة الولد وعندما وصل للركعه الثانيه
غوي في واحده من الصور
فقال : سبحان الله سبحان الله سبحان الله
عشان يتذكر
فاصطاااااح ياظافر من وسط المصلين

سبحاااااااااااااااااااااااااااااان ذا انشبك
وانا استغفر ربي


طبعآ القصه مختصره وانا كتبتها لكم بتعبيري

كانت معكم من موقع الحدث

أنــأ :
: