ماصفات الزوج الخائن اكفششششششششش

واضح ياالسفير انه فكاهي واظن الرجال اخذوه بجد اخاف لايكون على طريقة اللي على راسه ريشه

لكن لو جينا للجد فالمرأه عندها حاسه سادسه تشعر من خلالها بوجود امرأه اخرى
وتبدا في البحث عن مايؤكد او ينفي احساسها
وتكون النتيجه مشاكل مالها حصر ومحاصره للزوج في كل شارده ووارده وعدم تصديق وشك وتفتيش
وقد يصل الامر الى مالا تحمد عقباه

المرأه الذكيه اذا شعرت ان زوجها شطح وان حاستها السادسه تنذر بوجود غريمه وربما غريمات لاتشعر زوجها بانه خاين وكذاب بالعكس تتغابى وتظهر له انها ماهي داريه عن شي ابدا
لكن تبدا تشغله وتجذبه للبيت وتشوف في ايش قصرت حتى هرب منها

فيه بعض الرجال للاسف تكون زوجته مافيها شي ولاهو ناقصه شي في البيت
لكن في راسه مراهقه ماخلصت وشاف قدامه كل السبل نت وجوالات واستراحات واصحاب سوء وبنات على قفا من يشيل فيحط عقله في اجازه ويبدا يراهق تلاقي اكثر من شريحه واكثر من صديقه وعياب خذ وخل
هذا يبغاله اذا اكتشفته زوجته انها تصحيه بالكلام الطيب والتذكير بانه اب وزوج ومسؤول وان الله رح يحاسبه في كل شي واذا مانفع ابدا ابدا نرجع للفراده او للفازه
مع اني افضل الفراده لانها ماتتكسر وضررها عليه بس
بالمناسبه
لو كل رجل تذكر هذا الحديث (من زنى يزنى ولو بجدار بيته ) فوالله ان يشيب راسه قبل مايفكر مجرد تفكير في الخيانه لان له بنات واخوات وحفيدات والزمن يجري ومايدري اش رح يصير بعدين

عذرا للمداخله الثانيه
وتحية لك