الحلم الكبير

الحلم الكبير
الحقيقه غيبت وجه الخيال ,,,, وكل شي ٍ فالنهايه له مصير

والرياح ان بينت وجه الرمال ,,,, وش يكون العذرياشوف البصير؟

العتب واللوم ضاق به المجال ,,,, والعذر باللذات خله فاالاخير

مابقى للعذر وجه ولا جمال ,,,, صار شي ٍ لايثار ولا يثير

كم عذرتك لين ضاق الاءحتمال ,,,, كنت في شوفي كبير وشي غير

وين ماوجهت تلقى العذرفال ,,,, قبل ماتطلبه قلت ابشر بخير

وجيت ابيه اليوم منك بلا جدال ,,,, عذر مايعني لك الشي الكثير

معترف بالاءنسحاب بكل حال ,,,, كل شي يموت لامات الضمير

خاب حلمي فيك وأتعبت الآمال ,,,, ومابقى الا الغبن للقلب الكسير

صدق باءن العزم من طبع الرجال ,,,, بس بعض العزم في عيني حقير

لاغدا ماله على العليا منال ,,,, ماارتجيت يحقق الحلم الكبير

وعزم ماجمل على قول المثال ,,,, عزم ييبقى في طموحاته فقير

كذب الواقع ورح معه وتعال ,,,, وصد من ظل الحقايق للهجير

بس صدق شي من ماقد يقال ,,,, ان قتل الحلم شر ٍ مستطير,,,