حياة الطير

حياة الطير


إلى مني نظرت الطيـر عينـي تـذرف العبـرات
تذكّـرت الـزمـان الـلـي عـذابـي مــن مقاليـبـه


ذكرت اللي طواها لي زماني في عشـر طيـات
طوانـي ذا الزمـان وتهـت فـي طـيّـة دواليـبـه


أنـا قلبـي مثيـل الطيـر إلـى منّـه نـزع بآهـات
يطير بهالفضـاء الخالـي ولا شبعـت مخاليبـه


حياتي طيـرك اللـي طـار مـا ينفـع بـه منـاداة
مـن أحـرار الطيـور اللـي تعيـبٍ فـي مجاليبـه


لقى صيدة وصقّاره في لحظة من هل الأموات
يبـي صيـده ولـكـن قــال صـقّـاري بـعـد ليـبـه


غريب الطيـر ذا والله وفـيٍ فـي زمـن غـدرات
وفـــيٍ لـكــن الـدنـيـا غــــرورٍ لــــو تعـلّـيـبـه


صـدوقٍ لكـن أيـامـه تـكـذّب فرحـتـه لا جــات
وصـيـده مـثـل صـقّـاره يـجـي كـــلٍ يسلّـيـبـه


يعاف الطير من نفسه يعاف الصيـد والهـدّات
يـعــاف الـوكــر والـبـرقـع وصـقــارٍ يغالـيـبـه


أخذها الطير تحليقه وصفّق بالسماء صفقـات
لـقـى ذاتــه لـقـى روحــه لـقـى دنـيـاً تهلّيـبـه


سلطان بن رافع