حـنـيــن أحـبــاب

[poet font="Simplified Arabic,5,silver,bold,normal" bkcolor="darkred" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
على موعد لقا حبـك أجي ملهـــوف تـلـقـانــي =عيونٍ بالوفا تشــرق ..وقلبٍ للهــــوى جذّاب
شموعي بالفرح تضوي .. ويزهـر ورد بستاني =وعيني بلاك ما تقوى تعيش بلا نظر واصحاب
تذكرت اللقـــا الأول .. غرامٍ شــب باحضاني =غريبة كانت عيونك .. بها شوقٍ يــداري عتاب
وهمسك صاحب انفاسك ونبضك حرّك اشجاني =وكفك .. يا دفا كفك .. يصحـي بي حنين أحباب
وكحلٍ باقي بخـــدٍ .. عجزت انســـى وينساني =بقالي من مواعيــدك .. يخـــالط دمعك المنساب
بوسط كتاب للـذكرى ..كـــتبـــت أهواك ..تهواني =وبيتٍ في ظهر صورة .. ونقـــشٍ في زوايا الباب
قلادة تحمل حروفـــــــك .. تثير اشواق وجداني =حبيبي ما ني بناسي ولـــــــو كان الزمن غرّاب
مضى ميعادك الأول .. وجا ميعـــــــادك الثاني =وأنا بعدي على حبّك .. غزلــت من الهيام ثياب
على موعد لقا حبك اجي ملهــــوف ..لك عاني =هدية كل عمري لك .. كــفـــاني ..لا تزيد غياب
[/poet]

من اختياري ... اتمنى ان تعجبكم