& إنكسرت من الفراق &

& إنكسرت من الفراق &

انكسرت من الفراق وشوف عيني & شوف عيني وانت تدري بانكساري


كل ما مديت لوصالك يميني & رحت تتجاهل يميني مع يساري


حتى صرت اشوف جرحك في يديني & في يديني من جور صداتك مواري


حس فيها (لا).. بلاها حس فيني & لا تعبرها ولكن رد اعتباري


وين مقفي جعل مانت منتويني & بالجفا والخوف وانواع العزاري


يا هلي.. يا نصف ربعي.. يا خديني & يا مواني غربتي يا روح داري


ياشموخي.. يا انكشافي.. يا دفيني & يا علوي يا بقائي يانحداري


يا بدايتي.. يا مائي.. يا اوكسجيني & يا اندثاري... يا اعتدالي... يا ازدهاري


يا بلادة حسي وقمة حنيني & يا اختياري.... (لا)... يا عشواء اختياري


اعشقك من عادني في اول سنيني & لين صرت اخذ مع نفسي قراري


من عرفتك وانت ثالث والديني & واللجوء اليك يعني لي فراري


ضمني خل الضرر بينك وبيني & الضرر من ضمتك شي اضطراري


خل يدينك من الجور تحميني & من جمود يعيشني لين انصهاري


كل ما ضاقت بعيني يا معيني & ابتسمت وصار لي ليلي نهاري


فلا سكت تروح بالطيش تحكيني & رجعي بطبعك وباسلوبك حضاري


ما ذبحني فيك الا انك تبيني & وما سحرني الا حكاك الاستعاري


لاحكيت احس باشياء تعتريني & وينخشع قلبي وتطري لي طواري


اعشقه حكيك واحفظه يا ظنيني & حفظ ابن تيمه لحكي البخاري


ولا سكت احط يدي في جبيني & وارجي الله ما يطول بانتظاري


ادري اني عندك واسألك ويني & داري..... لكن ماكني بداري


لين شيطاني تلفظ كلمتيني & ورحت مني ما تبي سمع اعتذاري


لاتبكيني وتفرح عاذليني & لا تخسرني بعد كبر انتصاري


لاتخليني بعد فيضة كنيني & وانت خابرني على الوصل انتحاري


لاتروح بروحتك كلن يجيني & ماني مكابر ولا حتى مداري


انكسرت من الفراق وشوف عيني & شوف عني وانت تدري بانكساري



هذه القصيدة لها الفضل في إنكساري...

أسيـــ الظلام ــــر