ياقصار الثياب وياطوال اللحى

اهل الأذكار تدعـي والظـلام انتحـى
والدعـاوي تهـز مشيـدات القصـور

والخطاوي تعثر بيـن خـوف وسحـا
والفتن تشتعل.. وانتـم سـواة البـدور

يا قصار الثياب ويـا طـوال اللحـى
لا تفيض العيون ولا تضيق الصـدور

دارت الأرض بالعالـم ودار الـرحـا
وانتم الشامخيـن ومـا تبقـى يـدور

كل ما المح شموس وجيهكم في الضحى
احمد اللـي بعينـي زود النـور نـور

في الجباه السمار اللي ظهر ما انمحـى
ابشروا به وهو يشفـع بيـوم النشـور

السنتكـم عطاهـا الله حديـث فصحـا
وافئدتكم من الإيمـان تنضـح سـرور

قصر المسـك يـا حمالتـه واستحـى
يوم جاء يعطي اعطيتموه طيب وطهور

يا تلاميذ عقـد الصفـوه اللـي نحـى
يا حبايب صلاة الفجر واهل السحـور

يا رجال على يديكم صحى من صحى
سعد روح تغذت من بصيـرة غيـور

انتم لمعشـر الساليـن خيـر نصحـا
وانتم لنصرة الدين اصدق اللـي يثـور

ان دخل صفكم وجـه كـذب والتحـى
رده اللي يـرد الكيـد وسـط النحـور

وان هرج زيد لعبيـد بسوالـف جحـا
لا لحقكـم شكـوك ولا لحقنـا نفـور

واللي انزل تبـارك والقلـم والضحـى
انكم هدينـا عـن محدثـات الأمـور

واصلوا يا بركتنا دون خـوف وسحـا
ردوا نفوسنا اللوامـه مـن القصـور