ياجر قلبي جر لدن الغصوني.....وغصون سدر جرها السيل جرا

من أروع ماكتب في ساحة الشعر الشعبي قصيدة ياجر قلبي للشاعر:
دخيل الله بن مرضي الدجامه الثعلي الروقي العتيبي
قصة عشقه اشتهرت مبكرا كنموذج لصرعى العشق مما دعى كثيرا من العشاق

للإستشهاد به كما في قول عبدالله بن سبيل وهو من معاصريه ، وعاش بعده إذ يقول:

أخـاف مـن مـوتٍ بليـا حقيـقـه
مثل الدجيما لاطرد به ولا سيق

وقول شاعر آخر :

الهوى قد ذبح لـه شمـري
والدجيما على موته شهود

وكذلك قال زبن بن عمير :

ويقول الشاعر يسمى دور محسن والدجيما وابن لعبون
مكنـت اتـلاه وإلا أن أولـه مافـات عـنـي

ويقول الشاعر عبدالمعين بن عقل بن ثعلي وهو من نفس قبيلة الدجيما(الثعاليه):
رمح الدجيما اللي قتل بـه قتلنـي
لحدن دفع سوقه ولحدن طرد فيه
وفيها يذكر أن الدجيما عشق فتاة من قبيلته تدعى " سميحه" إلا أنه لم يتمكن من الزواج

منها مما دعاه لنظم الأشعار التي يشكو فيها من العشق حتى توفى بسبب هذا العشق ,,


أنا شخصيا هالقصيده من أكثر القصائد اللي تعجبني كثيييييييييير

وإليكم نص القصيده

ياجر قلبـي جـر لـدن الغصونـي

وغصون سدر جرها السيل جرا


وأهله من أول بالـورق يورقونـي

على غدير تحتـه المـا يقـرا


على الـذي مشيـه تخـط بهونـي

والعصر من بين الفريقين مرا


لا والله اللي بالهـوى هوجرونـي

هجر بها الحيلات عيت تسـرا


لامبـعـد عنـهـم ولاقربـونـي

ولاعايف منهم ولانـي مـورا


وأكثر عذاب القلب يـوم سنحونـي

بيح بصبري لو بغيـت اتـدرا


لاضاق صدري قمت اباري الضعوني

كني غريب بالدلوهـة مضـرا


وقلبي عليه اشفق وتبكي عيونـي

والحال من ود الحبيـب تبـرا


ياعزتا لي مـن تفـرق شطونـي

يعزا لي ارمي بالسلب واتعـرا


ان مت فـي خـد بعيـد انقلونـي

على هدي الزمل مشيـه تـدرا


’’ان مت في دافي حشـاه ادفنونـي

في مستكن الروح ماهوب بـرا ’’


بين النهـود وقـدّ روس القرونـي

عن الهبايـب مستكـن مـذرا


ياليتهـم بالحـب مـا ولعـونـي

كان ابعدوا عني بخير وشـرا


ولا انهـم يـوم انهـم قربـونـي

خلوني اقضي حاجتي واتـدرا


وياليتهم في الـدرب ماواجهونـي

وياليتهم مازادوا الحـر حـرا


وياليتهم عـن حاجتـي سايلونـي

يون اني اقعد عندهم واتحـرا


الخد بـرق فـي علـو المزونـي

تقول براق من الصيـف سـرا


وقفـت عنـده شابحـات عيونـي

كني غريـر باللهاوي مضـرا



وسلامتكـــم