~ وأطري عليك ~ !!!!!!!!!!!!!!!!!!!!!!!

آسفه .. كنت احسب انك ( قدّ ما آحـبك ) تبيني
قلت يمكن تشفق الدنيا عليّ .. و اطري عليك ؟

ما هقيت انك ولا مرّة .... كذا ..... فكرّت فيني
يوم انا مالي وجـــود إلا إذا فكرّت فـيك

كل ما شفت الشروق.. اقول..هذا انت ْابـتجيني
لين ما ذابت شـمـوس الكون من شوقي إليـك

وكل ما حسّــيـت في قـلـب ٍ عروقـه تحتويني
صوَّره عندي خيالي (لك).... وأتلهف و اجيك!

وآتــوَّهم قبل ما .... أوصل ...... بأنك تحتريني
وآتسـاءل .. ويش بتسوِّي .. لو إني ما أبيك ...؟؟

وإقتناعي ....... إن ذا مكتوب مبطي في جبيني
وإنني ماني سوى لعبه .. وطاحت في يديك

يا خســـارة كل احاسيس الغلا لك في سنيني
يا خســـارة عمري اللي راح عمره يحتريك

يا خســـارة كل زين ٍ ما قدر يوصل لعيني
يومني ارويت عيني بك..ولا ارضى لك شريك

آسفه ..... لا والله الا آسفـــــه بيني وبيني
كنت احَسب انك كـفـو هالقلب يومه محتويك

كيف أنا قارنت أصلاً (حب غيري) مع (حنيني) ؟؟!!!
لكن الشرهـه عليّ والا انت .. ما يشرَه عليـك



للشاعره/:عبير بنت احمد


ddfrad")