يمّه احبّه .. فديت ابوه قبل امّه ..!

يمّه عليه إن زعـل .. واذا رضى يمه
يمّه ذبحني غـلاه .. وشلّ وجداني

يمّه غرامه طريقي ... ولازم اتمه
شيٍ من الله على غفلة تغَشَانـي ..!!

آشهق على ضحكته وآشفق على ضمّه
وآموت منه آن جفى .. وآن جاني آحياني

آن كان درب الشقى يمر من يمّه ..!!
والله لـ كمّل شقاه " آن الله آحياني "

آقـول ياسيدي ... ويقول ياعمّه ..!
كلٍ ذبحه الوله في عشقه الثانـي

آشتاق طعم الغدير اللي وسط فمّه
مقـدر اخبّي عليه .. آكتب ويقرآنـي

قمـت آشتكي لـ الغلا .. وآصح وآخمّه
ياشين بلـوى الهـوى .. الله لا يبلآني

يقول لي بـ الهـوى مذهب ولي ذمّه
وآقول بصرك .. ولكن لآ تعدآني

آبي طريـقـك يصـير لـ وجهـتي يِمَّه
ومنين يممت وجهك غصب تلقاني

يزمني بـ الهوى .. زمه ورى زمـّـهـ
قطّـع وريـدة وخاطــهـ وسط شرياني

مبطي آذا خفت صحت وقلت " يايمه "
والحين اذا خفت صحت وقلت " يا..."

لا وآهني من قرب منه .. ومن شمّه
ماكن ربـي خلقه الا على شاني ..!!

جيته وكلي من الآشواق ملتمّة
آمشي من الصبح لين آن عشقه آمساني

ياحلو لوعة شقاه .. ويا حلو سمّه
والله ياهو بـ الهوى " من جد وراني "

آدمى عيوني .. وحنى يديني بـ دمه
وعلى طريـق الوله اقفى وخلآني

يمّه احبّه .. فديت ابوه قبل امّه ..!
يهزنـي هز ريح .. وزلزل اركانـي

وش فيه اذا البنت تعشق..!! .. الهوى قمه
خليني آعشق قبل ما تآبـس آغصاني

يهمني حيل .. وآدري فيني اهمّه
حتى آسألي روجي الوردي .. وفستاني