دخيــــلك .... فسر النظرات ...

حبيبي تهت بعيونك دخيلك فسر النظرات
اشوف الحكي بعيونك وصمتك فجر سكاتي..

تعال اسمع بسولف لك عن الماضي عن اللي فات
عن الحاضر عن القادم وخذ باقي حكاياتي..

تعال ارجوك لاتبعد ماعاد اقدر على الصدمات
حبيبي في يدك تقدر تخفف من معاناتي..

حبيبي كم رسمت الحلم لكن خابت الهقوات
تسابقني رداة الحظ في كل اتجاهاتي..

حبيبي نغمة الاحزان في صوتي لها نبرات
اخفيها وتفضحني بعض الاحيان نبراتي..

حبيبي حرفي المجنون ينزف من خفايا الذات
صور فيها حزن واشواق واغلبها متاهاتي..

حبيبي لاتعاندني ترى الاعمال بالنيات
تراك انت الوحيد اللي رسمته في حشا ذاتي..

حبيبي مثل ماقالوا ترى الدنيا لها دورات
تفضل جاتك القصه مع خالص تحياتي..

حبيبي هاك خذ قلبي تعبت اعانق الآهات
تعلا اكشف على جرحي تعرف اسرار مأساتي..

حبيبي كن هالدنيا بدونك منتهى الحسرات
تعال اعيش في قربك بقايا عمري الآتي..

حبيبي نظرة عيونك اوقف لجلها وقفات
واعيد الذاكره لاول حياتي في بداياتي....







ddfrad")