___ قسوه في الهجاء !! ___

لا ما اتشرّه , غيبتك شي عادي
من قال لك اني عليك اتشرّه ؟؟


خذ راحتك جاوز حدود التمادي
لك نفس في كل التصاريف حرّه


علمتني الكتمان داخل فؤادي
دام الصراحه بعض الاحيان مرّه

علمتني نسيان بعض المبادي
كرّهتني في الحب خيره وشرّه


تغيب وترجع من همومك تنادي
لاحتجت لاحساس الوفا والمسرّه

انت اللذي بالصد والهجر بادي
ترمي علي اللوم ظلم ومغرّه

كسرت من قسوة عنادك عنادي
من عشرتك ماشفت غير المضرّه

حسب الظنون الصادقه واعتقادي
ماعاد لك بالقلب مثقال ذرّه !!!






----------------------------------------




عودتي للموقع كانت بهذه القصيده اللتي اتمنى ان تحوز على رضاكم ....... منقوله واحتفظ بها من سنوات