كذاب ابن كذاب!!

!|! كـــذاب ابن كـــذاب !|!

و قالت لي متى تترك طباع ٍ عاطله و شينه؟
ما بين العصر و المغرب اشوفك واقف ٍ بالباب !

تناظر كل من مرّت .. تركز بس عـ الزينه
تحب الحسن من يومك .. و انا منّك خفوقي شاب


قلت استغفري ربك .. كلامك لا تكملينه
في عيني حسنهم صفحه و في قلبي غلاك كتاب


تشكّين فـ غرامي كيف بعد ما طالت سنينه ؟
انا واقف مثل غيري .. و هذي حالة العزّاب


ترى معشر رجال الكون جنس ٍ زايغه عينه
ولا يقدر يغض الطرف و حتى لو بقلبه احباب

و لكنه وفي بحبه .. دخيلك لا تلومينه
اذا حسن العذارى كان.. ملفت .. طاغي .. و خلاب

روحي و اسألي جدك و ابوك و من تعرفينه
و قولي من قدر منكم يباري الحسن و ما قد ذاب ؟


و اذا واحد رفع ايده .. نصيحه لا تصدقينه
ترى كذاب ابن كذاب ابن كذاب ابن كذاب


ليست من قلمي