:: مرجوج مـطـلـوب فـي جـوانـتـانـامـو ::

ياسادة ياكرام 00


ليلة الاول ونا جالس اتقهوى واتفرج في الاخبار ( الجزيرة ) الا يوم دق الجوال لهو رقم غريب ولا اعرفه

رديت عليه

الا هالامريكاني يبربر انجلش ويقول انت مرجوج 000


قلت : الله الله <<<< طبعا بالانجلش

من انت قالي هو اسم طويل ولا دري وشنهو بس الوكاد مافيه اسم قبيلة في آخرة

وقالي انه من السفارة الامريكية

طبعا بلعت ريقي وقلت في نفسي يالله هوّن علينا

قال ان تزد ( يعني قد ) رحت لامريكا عام 99 م

رديت عليه : وقلت الله الله ( 2 )

وقال وش تدور هناك مدري وشنت رايح اله

قلت له والله ياطويل العمر <<<< متعود يقولها ابدن ماغير سياحه وتمشي و اتفقد احوال الشهارية والربع بلوس انجلس


هو سكت شوي و ياليته ما سكت اخذت بي الهواجيس ( ما طرى علي الا جوانتانامو والثوب البرتقالي 00 وقمت اتذكر انا من قابلت هناك 00 وين رحت 00 وش انا مسوى 00مغير في العصرية سوقاً يقاله سنشري مول مليان دور سينما وكل عربيانو متليمين فيه في العصرية ومن عقب العشاء تمشي في شارع يقاله الصن سيت بعد كله خلجيانو )


هواجيسي هذي كلها وهو ساكت ولا قال شي

وقمت اذكر امي وابويه والمنتدى وتقوم تخنقني العبرة وتجيني البتسوة ( اشد من البكاء )

الا هو متكلم ويقول طيب نبغاك تزورنا في القنصلية بجدة ونسألك بعض الاسئلة

ونا ابلّم وهو ينعقد لساني وعيورني تطاير ( هذا والله العلم الاقشر )


واهوجس >>>> لطع الرجال وهو يهوجس


قلت انا ان رحت هناك خاف يمسكوني ولعاد يفكوني وتسفيرة محترمة ومنهو بس اللي بيقدر يفتكني من سفارتهم

ولا قبيلة بني شهر وبني عمر تقتحم القنصلية وتذبح الامريكان واطلع انا قلت ياولد خاف يجي حرب ثم عاد تروح السعودية كلها بسببي


ولا وش رايك <<<< هذا كله وهو يكلم نفسه ولاطع الرجال في التلفون


اروح لوزير الداخلية واقولك تراني دخيلك من الامريكان وطبعا اذا درى عني بيقول للامريكان معصي هذا مرجوج مهوب اي احد سيروا في القلعة لو تقوم حرب ما سلمناكم مرجوج


<<<<< شيخ القبيلة

الا يوم ادوخني هلو هلو هلو يو آر معي


قلت نعم <<<< صوتي رايح فيها

الا اسمع هاك الضحكه



قلت من انت يا( انواع السب اللي من قلب )

قال الهاشم ( واثرة خويي وهبووو من لندن ) مدري وش موديه هناك

برد حيلي وقمت اسحب المناديل واجفف دموعي

قلت الله يفك لك فكة سعة على كثر ما سويت في العالم مقالب ( جاني ذنب بس هذا اقوى ياخوك جوانتانامو مهيب بسيطه ) الله يفك اسرهم ان شاء الله


وهذي قصتي ولعاد تسوون في احد مقالبas)

والسلاااااااااااام عليكم
[c]