معــــــــــــــاناة ...( بدون ادنى مسؤولية )!!!!!

يــابـــرد هــــــوّن لا تــــــزوّد عــنــانــا******************** مـاعــاد نـاقـصـنـا هــمــوم وغـرابـيــل

قبـلـك صــروف الـوقـت مـالـت عـلانــا ******************** وانـتـه بـعـد مــا جـيـت زوّدتـهــا مـيــل

جـمّـدتـنــا والـــحـــر قــبــلــك كـــوانـــا ******************** وكـــلٍ عـلــى مكـيـالـنـا يــدبــل الـكـيــل

حـبّــاتــنــا دارت عــلــيــهــا رحــــانــــا ******************** وصـارت طعـام الـقـرد والــدب والفـيـل

وصـرنـا نـوفــر مـــن غـدانــا عـشـانـا ******************** نمسـي بليـل ونصبـح الصبـح فـي لـيـل

دارت عـلـيـنــا شــلّـــةٍ مـــــن ورانـــــا ******************** مــا تـرحـم ضـعـيّـف ولا تـمّــن دخـيــل

وقــامـــت تـنـاتـفـنــا عــيــانــاً بــيــانــا ******************** وانكسـرت الحيلـة علـى مكسـر الحيـل

وحــفّــت شـواربـنــا وحـلـقــت لـحـانــا ******************** وســوي لـنـا فــي كــل سـكّـه محـابـيـل

وراع الحمـى يـوم احتمـى مـا احتمانـا ******************** قـدمــه تـرامـونـا ســــواة المـصـاقـيـل

هــذا الخـطـاء الاول .. وقـلـنـا خـطـانـا ******************** حـنــا ، دلـــوخ ودايـخـيـن ومهـابـيـل!!

والثانـيـة ويــن ارضـنــا مـــن سـمـانـا ******************** مــا فـسـروهـا المنصـفـيـن الحـلاحـيـل

مــن دونـهـا مــدري مــن الـلـي حـدانـا ******************** وقـالـوالـنـا مــاعــاد تـحـتــاج تــأويـــل

تعـويـضـنـا مــاجــا ربـــــع مـشـتـرانــا ******************** ومن لا رضى قالو له اشرب من النيل

ثــــم عـقـبـهـا يـالــيــل دانـــــا لادانـــــا ******************** مـــن قـوّهــا قـمـنـا نـشـيـل الـمـواويـل

نـــجـــر ونــــــاتٍ تــقــطّـــع حــشــانـــا ******************** لكن على مـا قيـل .. وش ينفـع القيـل؟

كــنـــا نـــقـــول بـيـرتــفــع مـسـتــوانــا ******************** ونعانق نجوم السماء . الجدي وسهيـل

اقــــل شــــي نـصـيــر مــثــل زمــلانـــا ******************** ونـعــدّ لـظــروف الـسـنـيـن المـقـابـيـل

لـــكـــن تـفـاجــأنــا بـخـيــبــة رجـــانـــا ******************** واستصعـبـت مــن يــوم قلـنـا تساهـيـل

لا يــازمــن مـاانـتــه بــلاحــق مــدانــا ******************** الـصــبــر ديــدنـــا وحــنـــا رجــاجــيــل

تـكــبــر مـشـاكـلـنـا ويــكــبــر ولانــــــا ******************** ورثٍ يجي من جيل في جيل في جيل ...





ddfrad")