أكبر مصيبة

أكبر مصيبة

يا شينها لا حب الانسان الانسـان
واللي يحبّه مـا درى عنْـه وينـه

أكبر مصيبـة لا تجاهلـت ولهـان
وشلون يصبـر لا تزايـد حنينـه

يحسّ في قلبه من الضيـم طوفـان
يهـدّ بامواجـه شـراع السفينـه

يهيم في بحرٍ تلاطـم بـه أحـزان
وأفراح عمره تحتضر وسْط عينـه

لا شاف من حبّه غدا اليوم سجّـان
وبْلا سبب قضبـان بينـه وبينـه

تسيل دمعاته قهر فـوق الأوجـان
وتصكّ من غبنْـه يسـاره يمينـه

مسكين ما يدري زمانـه متـى زان
حتى مع اللي حبّ غصْـبٍ يهينـه

ليش الذي حبّيته سنيـن مـا لان !
هي فعلْة إيدك يا زمن هـي يدينـه

ليش الهوى يا ناس ما فيه سلوان !
يعيدهـا ويصيـح محْـدٍ يعيـنـه

غلطان قالوا له تراك أنت غلطـان
لا تسمع لقلبك ترى العقـل زينـه

اللي تحبّـه سالـيٍ عنْـك فرحـان
واللي يحبّك ما دريت أنـت وينـه

سلطان القوافي