طريقة التماسيح في المذاكرة ...

السلام عليكم ورحمة الله وبركاته

التمساح لمن يجي يذاكر وش يسوى

اول شي:

يدور الكتاب لأنه مضيعه ويحوس البيت كله على شان كتبه وأخرتها يلقاه حاطه بالدولاب او الثلاجة عادي ماتفرق وأحيانا تحت السرير (احد يخش كتاب تحت السرير؟؟

ثانيا:

يلقى الكتاب ويفتحه يبي يذاكر الولد
شوي لقي مكتوب مع تحيات ابو فيصل وأبو عابد أصدقائه
التمساح استأنس وجلس يتذكر أي يوم كتبوها وش كانوا يسولفون عنه ويجلس يتذكر مسوي ذكريات

ثالثا:

يلقى موضوع ماحدده او ماكتب فيه شي او كان غايب او شي
يقول خلني اطلع انقل من الشباب ويطلع ويروح مع ربعه وسوالف ومعاكــس للبنات وضحك ويرجع البيت متأخر وهو ماحدد شي والله من الدجه

رابعا:

تجيه أمه ياولدي أنت ماكلت شي من الصبح روح اكل انت ناحف
التمساح يسوى ماله نفس يمه مالي نفس خليني أذاكر
شوي يمه ممكن طلب أبي أروح اشتري عشا من المطعم يعني ماياكل إلا من أكل مطاعم .......حركات قديمه

خامسا:

يقول بواصل أذاكر وهو سهران على الماسنجر او التلفزيون
والكتاب مفتوح على المقدمه (الفهرس)

سادسا:

قبل لايروح للمدرسة
يمه انا تعبان بطني يعورني او راسي .........على شان إذا ماحل يقاله صرف عمره
وأخرتها التمساح راسب مافلح ولا نجح بسبب البراشيم