بالله عليكم مين يعرف راعى هالايميل ؟؟؟؟؟

البارحه يوم الخلايق نيام ------ انخمد وش مسهرك

فتحت الماسنجر الا وطلعت لى ( قام ابو عيون جريئه بأضافتك )


عاد اخوكم حبيب مافيه امل

يقول لا .. وانا اللى اقبله على طول .. اثره موجود وكأنه قاعد يحترينى

وبعد ماسلم وهذرا شوى قال لى بأقول لك سر خطير قلت له تفضل قال انا بنت


قلت له وش جايبك فى ماسنجر التماسيح انا حاط اوميل ثانى للبنات ---

مايمديكم على كلمه اوميل

قلت له مانى مصدق انك بنت وماادرى احس ان اسمك ابو مشعاب والظاهر انك

راعى القلابى اللى يدور بحارتنا

قالت بأرسل لك صورتى علشان تتأكد انى بنت بس بشرط ترسل لى صورتك .. قلت

اوكى

وانا ارسل لها صورتى شوى الا وجانى الرد بسرعه وش فيك تستهبل انا قايله

صورتك ماقلت العفريته


قلت لها هذى صورتى ردت على هههههههه قالت معليش انا مطفيه النور ومااشوف

زين والا انت كلك ملح وقبله


الا على فكره اهلك مافكرو يضيعونك وانت صغير او يتصدقون

فيك لااحد هالجمعيات


تصدق لى نص ساعه وانا اتمقل بصورتك وعجزت افهم شى مدرى هذا

خد ولا رقبه ولا ركبتك مضيعه وطالعه بخشتك

قلت لاتكثرين هرج ودزى صورتك خلنا نشوف

هالزين اللى تقولين ---- والله لوانك فطومه

شوى الا وجانى ملف منها وانا سعابيلى مغرقه

الجهاز يوم قبلت الملف اثرها تبى تخترق جهازى

بس على مين تلعبها الحمد لله انى مركب

برنامج حمايه اسمه مذر بورد

المهم ياشباب اللى يعرف راعى هالايميل يقول له يرجع اشتراكى الله لايهينه




وتقبلو تحياتي