انا المــــــــــلك

ممكن يجي لي يوم وأكون الملـك=بعيونك أنتي موعيـون الآخريـن
ممكن أراضي حضرتـك وأزعّلـك=وممكن أكدّرخاطرك وأنـا حزيـن
وممكن يجي في يوم مـا أتحملـك=وممكن تلاقيني تحت ظلك رهيـن
وممكن تعرفيني بلحظـة وأجهلـك=وأجهل مع وجهك غرامك والحنين
وممكن تحاكيني وأنا مـا أكلمـك=ولاأسألك من وين جيتي أو لويـن
وممكن بوجه لوجه أجي وأقبلـك=حتى أبرّد حـرة الشـوق الدفيـن
وممكـن يمرالليـل وأنـا أتأملـك=وأشغل بك التفكير وأحساس الأنين
وممكن أجـي أسامـرك وأعللـك=وأشرب معك فنجال من مُرالسنيـن
وممكـن تجينـي بالعذرماأمهلـك=وأرد لك كبرالأمل صِفـر اليديـن
وممكن أخيّب ظنك اللـي أرسلـك=ويعود لك متنعـل خُفـا الحنيـن
وممكن تسايرك الضنون وتشعلـك=ويمرطول الوقت وأنتـي تفكريـن
وممكن تعافـك دنيتـك وأتقبلـك=وأشريك بايامي ولأنك ترخصيـن
وممكن أخلي آخـرك مثـل أولـك=تبدين في حبي وصعـب تنتهيـن
محشومـة المقدارعينـي منزلـك=أرفـع مقامـك فـوق ماتتخيليـن
حتـى ولوحبـك ملكنـي وأمتلـك=روح الوله فيني ياعطرالياسميـن
فانا الفلك وأنتي سحابـة هالفلـك=ومن وين ماهبّت رياحي تمطريـن
وأناألاسداللـي زئيـره زلـزلـك=وبظل صوته تسكنيـن وتامنيـن
وأنا خيال الماضي اللـي عادلـك=كالظل الابيض وهم وأنتي تحلمين
سبحـان رب بالمحاسـن كملـك=وسبحانه اللي حطني أغلى ظنيـن
ملـح الحيـاة أعاتبـك وأدلـلـك=واخاصمك وأرضيك وأنتي تزعلين
بالله قولـي قبـل مانـا أسـألـك=وأبغى الصراحة وأحلفي ماتراوغين
ممكن تردي كل مـا سلفـت لـك=وتسلفيني عقب دينك ألـف ديـن
وتعاملينـي نفـس ماأناأعاملـك=ومن قبل حتى عن خطايه تصفحين
ممكن أجي أستسمحك وأحـن لـك=بس لاتقولي لي قويّ العين شيـن
ومن عقبها في ذمتـك ماأناملـك=بعيونك أنتي موعيـون الآخريـن

حقوق النشرمحفوظه