<0> عليك الهباء يا واحدٍ ما يرد الدين <0>

عليك الهباء يا واحـدٍ مـا يـرد الـــدين = ومستخسر في صاحبه رفع سـمـــاعه
يقدم لي الشينه وانا اقول له بـعــــدين = ولكن على ما قيل ماصرت شـــمـــاعه
وعشنا مع أهل الحب بالحب مرتاحين = ولا خسرت الصفقه على قولة البــاعه
ولكن هذا اليوم يا قلبي الـمـســــكــين = تبي يرجع الماضي ولا جاك مرجــاعه
تغيّر حبيب الأمس واصبح بطبعٍ شـين = وقع بين ناس طبعهم دوم خــــــــداعه
خدعه الخبيث اللي يسمى غراب البين = وبدل له الصوره وغير له طبـــــــاعه
وانا والله اني ما نويت أحمل السـكين = ولا ناوي أغلط مثل ما غلطت خُـزاعه
وانا عاقل والعقل معروف طــبعٍ زين = وعند اللوازم يلتقي الخصم مــصراعه