دجاجة الجيران و الله غريبة

*
*
*
دجاجه الجيران والله غريبه ** لو شافها ديكي يبي يشق جيبه ..اخشى تفل الريش همن تصيبه .. يسهر طوال الليل بالحوش حيران

طلعت لم الجار طقيت بابه...قلت انا ديكي قد تزايد عذابه.. اصبح كما المجنون شقق ثيابه ...عطنا الدجاجه وابعدوا كل شيطان

الجار وافق بس لازم رضاها.. ان ما رضت مقدر اكسّر هواها... عشرين ديكٍ قبل ديكك بغاها...اذا رفضت نرفض ولو كان ما كان

فكرت وقلت يا جار جيتك بحاجه ..ارجوك تسمح اباشوف الدجاجه... قابلتها وقالت خل السماجه .. وشلون اباخذ ديك مخنز و تعبان

رجعت لم الديك وقلت الحقيقه ... سهر طوال الليل بهمن وضيقه ..ما عاد يذن والاكل ما يطيقه ... يسهر يفكر بالدجاجه وحيران

في ليل طالع يم ديكي ابسقيه ... ابطعمه من صافي الرز و اعطيه.. لقيت ديكي لم ربه ملاقيه .. روّح شهيد والاسباب خلان

مرحوم ياللي عاش يقاسي عذابه...يكتم بقلبه هم محدن درى به .. ديك اصيل لكن الحب صابه.. عز الله اللي صابه الحب خسران



تحيااااااااااااااااتي



ولــــــــ(آل عطيفة)ــــــــــــد